В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Бу әлеге юнәлешләргә ихтыяҗның артуы белән бәйле
Фото: Денис Гордийко
29 нчы апрельдән 29 нчы сентябрьгә кадәр Казан – Зөя маршрутында поездлар көн саен йөреячәк. Шулай ук 29 нчы апрельдән 27 нче сентябрьгә кадәр Татарстан Республикасы башкаласы белән Арча арасында электричкалар дүшәмбедән җомгага кадәр билгеләнгән. 19 нчы апрельдән 7 нче октябрьгә кадәр Казан – Йошкар-Ола шәһәр яны поезды да көн саен йөреячәк.
Моннан тыш, 4 нче майдан 29 нчы сентябрьгә кадәр составларның түбәндәге маршрутлары озайтыла:
Казан – Зөя юнәлеше буенча 6301 нче поезд Төрләмә станциясенә шимбә һәм якшәмбе көннәрендә барачак;
Төрләмә – Казан юнәлеше буенча 6306 нчы электричка Зөядән ТР башкаласына шимбә һәм якшәмбе көннәрендә барачак.
Поездлар җәдвәлен шәһәр яны билет кассаларында, «РЖД» ААҖ сайтында, «Содружество» АҖ компаниясе порталында, шулай ук +7(800)775-00-00 телефоны буенча белергә мөмкин.