Яңалыклар
12.04.2023, 16:12
«Штаб»тагы лекциядә Казан парклары һәм скверлары өчен җәйге программа турында фикер алышачаклар
Шәһәрлеләр җәмәгать киңлекләрен вакыйгалар белән тутыру буенча үз идеяләрен тәкъдим итә алачак.
Фото: Денис Гордийко
(Казан шәһәре KZN.RU, 12 нче апрель). 13 нче апрельдә «Штаб» креатив индустрияләр резиденциясендә «Казанда җәй: ул нинди булырга тиеш» дигән дискуссия узачак. Ул «Шәһәр модераторлары» дискуссия-белем бирү программасы кысаларында узачак, дип хәбәр итә Казанның парклар һәм скверлар дирекциясенең матбугат хезмәте.
Лекциягә спикерлар буларак Мәдәният идарәсе башлыгы Азат Абзалов, Парклар һәм скверлар дирекциясе җитәкчесе Айгөл Латыйпова, «Спорт һәм социаль проектлар дирекциясе» коммерциягә нигезләнмәгән автоном оешмасы генераль директоры урынбасары, «Киләчәк уеннары» проекты кураторы Михаил Леонов, Open Space Marketка нигез салучы Юлия Турайханова, Бәшир Рәмиев исемендәге ИТ-паркның арт-директоры Ләлә Бикчәнтәева һәм «Урам» экстрим-паркы директоры Мария Крюкова чакырылган.
Экспертлар шәһәр халкы белән бергә Казанда җәйге сезонның нинди булачагы, җәмәгать киңлекләрендә вакыйгалар программасы нинди булырга тиешлеге һәм шәһәр эшкуарларының сезонлы көн тәртибен формалаштыруда ничек катнаша алуы турында фикер алышачак.
Лекция 19:00 сәгатьтә Татарстан ур., 20 адресы буенча башлана. Катнашу өчен алдан теркәлү кирәк.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
