Казанның Кремль яр буенда Сәламәтлек көнен билгеләп үтәчәкләр

Шәһәр халкы зарядкага кушыла, уеннарда һәм конкурсларда катнаша ала.

(Казан шәһәре KZN.RU, 3-нче апрель). Бөтендөнья сәламәтлек көнен Казанның Кремль яр буенда 7-нче апрельдә билгеләп үтәчәкләр. Программада - актив уеннар, мастер-класслар, күргәзмә спорт чыгышлары һәм иң актив катнашучылар өчен призлар каралган.

Пирс янындагы төп сәхнәдә 13.00 сәгатьтә зумба һәм ялкынлы аэробика бию фитнес-программасы буенча мастер-класс узачак. 15.00 сәгатьтә биредә көрәш сәнгате буенча күргәзмә чыгышлар оештырылачак.

Воркаут-мәйданчыкта 14.00 сәгатьтә снарядлар кулланган күргәзмә чыгышлар планлаштырылган. Моннан тыш, кунаклар турникларда үтәчәк күнегүләрдә катнаша алачак.

Үзәк аллеяда 14.00 сәгатьтә Сәламәтлек көненең барлык катнашучыларына тәмле һәм файдалы ризыклар – яшелчәләрдән ясалган ашарга яраклы букетлар – сәламәтлек һәм дөрес туклану символын өләшәчәкләр.

Чара барышында зарядка үтәчәк, шәһәр халкы сәламәтлек өчен файдалы уеннарда, Казанның бер фитнес-клубы һәм Кремль яр буе тарафыннан әзерләгән призлар биреләчәк конкурсларда катнаша алачак.

Күңел ачу программасы 13.00 сәгатьтә старт алачак, дип хәбәр итә Кремль яр буен үстерү һәм маркетинг бүлеге.

Шулай ук укыгыз

Барлык яңалыклар