Кремль яр буенда Республика клиник хастаханәсенең фотографлар эшләре күргәзмәсе ачылды

Экспозиция Гаилә елына багышланган

Казанда Кремль яр буенда Гаилә елына багышланган күргәзмә ачылды. Шәһәр халкы һәм кунаклары Татарстанның Республика клиник хастаханәсе фотографлары эшләрен күрә ала.

Экспозиция палаталарда, тудыру залларында ясалган рәсемнәрне, һәм бала тудыру йортыннан өзек-өзек мизгелләрне үз эченә ала – барлыгы 48 фотография. Фотография авторлары: Наталья Трофимова, Марина Сөләйманова һәм Саша Киреева. Эшләрне берничә ай дәвамында җыйганнар.

«Бу күргәзмә белән без гаилә – кеше тормышында иң мөһиме булуын искә төшерәбез. Әтисе белән беренче очрашу кадрлары да, гаилә фотосессияләре дә, бала тудыру йортыннан өземтәләр дә бар. Казан халкының һәм кунакларының күңел түренә күңел нечкәрткеч кадрлар үтеп керер дип ышанабыз», – дип сөйләде РКХнең җәмәгатьчелек белән элемтә буенча әйдәп баручы белгеч Валерия Белова.

Күргәзмәгә 15 июльгә кадәр килергә мөмкин. Аннары фотосурәтләрне РКХ перинаталь үзәгендә урнаштырачаклар.

Шулай ук укыгыз

Барлык яңалыклар