Казан зооботаника бакчасы директоры конкурсына 230 гариза бирелгән

Дәгъвачылар арасында Казан, Мәскәү, Санкт-Петербург, Новосибирск һәм башка шәһәрләр халкы

Казанда Казан зооботаника бакчасы директорын сайлап алу конкурсына гаризалар кабул итү төгәлләнде. 9 июньнән 18 июньгә кадәр 230 анкета бирелгән.

Гаризалар ике онлайн платформада кабул ителде: kzn.ru порталына 50 анкета кергән, ә hh.ru сайты аша – 180.

Дәгъвачыларның географиясе киң: күпчелеге – 85,5% – Казан халкы. Шулай ук Мәскәү, Санкт-Петербург, Новосибирск, Омск һәм Россиянең башка шәһәрләреннән, шулай ук Казахстан һәм Беларусь Республикасыннан гаризалар килде.

Дәгъвачыларның гомуми саныннан 60 кеше (26,1%) – хатын-кызлар, 170 кеше (73,9%) – ир-атлар.

Алга таба катнашучыларга сайлап алу этабын узарга туры киләчәк. Ул һөнәри күнекмәләргә һәм белемгә бәя бирүне, зооботаника бакчасын үстерүнең авторлык проектын эшләүне үз эченә ала. Кандидатларга Казан мэры Илсур Метшин җитәкчелегендәге белгечләр комиссиясе каршында зооботаника бакчасын үстерү фикерләрен якларга туры киләчәк.

Нәтиҗәләр сайлап алуның барлык этаплары тәмамлангач игълан ителәчәк.

Шулай ук укыгыз

Барлык яңалыклар