Казан ипподромында Казаннан һәм Россиянең башка шәһәрләреннән 100 дән артык рәссам һәм останың эшләре тәкъдим ителәчәк

Кулдан эшләнгән курчаклар һәм уенчыкларның «Ну, Заяц, погоди!» күргәзмәсе аерым экспозициягә бүленгән.

Фото: Денис Гордийко

(Казан шәһәре KZN.RU, 20 нче февраль). 22 нче февральдә «Казан» халыкара ат-спорт комплексында «АРТ-Галерея. Казан» сынлы сәнгать, скульптура һәм декоратив иҗат әйберләрен күргәзмә-сату эше ачылачак.

Чара Казаннан һәм Татарстанның башка почмакларыннан 100 дән артык рәссамны һәм мастерны, шулай ук Россиянең 6 төбәгеннән – Мәскәү, Санкт-Петербург, Чабаксар, Түбән Новгород, Волгоград, Пятигорск, Краснодар, Сочи, Кырым, Пермь крае, Калининград өлкәсеннән 11 шәһәрне берләштерәчәк.

Күргәзмәдә Татарстан Республикасы һәм Россия Федерациясенең 20 дән артык рәссамы, шул исәптән Мәскәүдән Бато Дугаржапов, Чабаксардан Анатолий Данилов, Санкт-Петербургтан Илдус Вахитов, Мария Колегова һәм Анна Афанасьева «Аня Маня» иҗат дуэты һәм Казаннан Альберт Шиабиевның иҗат дуэты тәкъдим ителә. Килүчеләр Казан фотографы Мария Ефремованың «Донбасс. Яшәргә!» фотопроекты белән таныша алачак.

Кунаклар өчен 40 тан артык кул остасы тарафыннан эшләнгән табигый ташлар, бау, чигү, күн, агач һәм мех эшләнмәләре һәм башка әйберләр булачак. Ә авторлык курчакларын һәм кулдан эшләнгән уенчыкларны килүчеләр «Ну, Заяц, погоди!» махсус россиякүләм күргәзмәсендә карый алачак, дип хәбәр итә «ВИКО» ҖЧҖ матбугат хезмәте.

Күргәзмәнең тулы программасы белән сылтама буенча танышырга мөмкин. Ул 26 нчы февральгә кадәр дәвам итәчәк. Керү билетлар буенча башкарылачак.

Шулай ук укыгыз

Барлык яңалыклар