Казанда «Гриль-фест»та бер тоннага якын ит ашалган

11-нче һәм 12-нче майда узган «Гриль-фест» беренче парк фестивале әнә шундый нәтиҗә белән тәмамланды.

(Казан шәһәре KZN.RU, 14-нче май). Узган ялларда Казанда яшәүче 23,5 мең кеше һәм кунак 900 килограммнан артык ит ашаган. 11-нче һәм 12-нче майда узган «Гриль-фест» беренче парк фестивале әнә шундый нәтиҗә белән тәмамланды. Бу хакта Горки-Әмәт урманының Instagramында хәбәр иттеләр, биредә гастрономия чарасы оештырылды.

Казанлылар шәһәрнең 15 рестораны һәм йортының ризыкларын татып карады. Биредә үк шәһәрнең танылган шеф-пешекчеләре итне ничек дөрес сайларга, мариновать итәргә һәм кыздырырга, соус комбинацияләрен ничек сайларга һәм ризыкларны ничек бизәргә дигән мастер-класслар үткәрделәр.

Шулай ук укыгыз

Барлык яңалыклар