II «Безнең җыр» иҗат лабораториясенең гала-концертында 20 дән артык яңа композиция яңгыраячак

II «Безнең җыр» иҗат лабораториясенең гала-концертында 20 дән артык яңа композиция яңгыраячак

<p> </p> <div class="detail-picture"> <img src="/upload/iblock/f55/f55ab437375cb6a162dc94c7df737f64.jpeg"> <p class="detail-picture__caption"> Фото: тел культурасы өлкәсендә милли сәясәтне гамәлгә ашыру бүлеге </p> </div> II «Безнең җыр» иҗат лабораториясенең гала-концерты Г.Тукай исемендәге Татар дәүләт филармониясе сәхнәсендә узачак. Тамашачылар 20 дән артык яңа композиция ишетәчәк. <p> </p> <p> Лаборатория шартлары буенча, катнашучылар өчәр кешедән торган командаларга берләшә: шагыйрь, композитор һәм җырчы. Барлыгы 21 коллектив җыелган. Алты ай дәвамында алар яңа җырлар әзерлиләр. </p> <p> Иҗат лабораториясенең икенче сезонын ачу турында сентябрьдә «Калеб» иҗат берләшмәсе игълан иткән. Җырларны тыңлау ноябрь һәм февраль айларында узган – һәр команда экспертлардан киңәшләр алган. </p> <p> Бу сезонда эшләрне ТРның атказанган сәнгать эшлеклесе, ТРның Дәүләт камера хоры җитәкчесе һәм дирижеры Миләүшә Тәминдарова, ТРың атказанган сәнгать эшлеклесе һәм шагыйрь Рәмис Аймәт, Башкорт дәүләт филармониясе солисты Зөлфия Авзалова бәяләгән. </p> <p> Гала-концерт 28 нче майда 18:30 сәгатьтә башлана, дип хәбәр иттеләр Казан Башкарма комитетының тел культурасы өлкәсендә милли сәясәтне гамәлгә ашыру бүлегендә. </p> <p> Проект Казан мэриясе һәм ТР рәисе каршындагы Татар телен һәм республикада яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән уздырыла. Идеянең авторы – «Калеб» берләшмәсе җитәкчесе, Казан Башкарма комитеты җитәкчесе урынбасары Гүзәл Сәгыйтова, проектның кураторы – К.Тинчурин исемендәге театр директоры урынбасары Лилия Гәрәева. </p> <br>

2024-04-25T17:56:00+0300