«Сукно бистәсендә рухлар көне» фестивалендә әйберләр җыю һәм хәйрия мастер-класслары узачак

Казанлыларны кыр чәчәкләреннән асма бизәкләр һәм такыялар ясарга өйрәтәчәкләр.

Фото: Марат Мугинов

(Казан шәһәре KZN.RU, 17-нче июнь). 20-нче июнь көнне Казанда «Сукно бистәсендә рухлар көне» фестивалендә «Игелекле эшләр көне» фонды әйберләр җыячак һәм хәйрия мастер-класслары үткәрәчәк, анда теләгән һәркем катнаша ала.

Кыр чәчәкләреннән такыя үрү буенча мастер-класс 11:30 сәгатьтән 12:30 сәгатькә кадәр узачак. Флористлар мәктәбе укытучысы Алла Медведева үткәрәчәк дәрескә 10 яшьтән олырак казанлылар кушыла алачак.

13:00 сәгатьтән 15:30 сәгатькә кадәр 12 яшьтән зуррак укучылар өчен дәресләр узачак. Аны балта остасы Александр Казаков үткәрәчәк.

16:00 сәгатьтән 17:00 сәгатькә кадәр яше 6 яшьтән зуррак булган фестивальгә килүчеләр өчен «Ангел-хранитель» дигән асма бизәк ясау буенча мастер-класс узачак.

Мастер-классларда фонд проектларына ярдәм йөзеннән хәйрия кертеме өчен катнашырга мөмкин. Алдан язылу таләп ителми, дип хәбәр итә "Игелекле эшләр көне" фондының матбугат хезмәте.

Моннан тыш, шул ук көнне, 20-нче июньдә, 11:00 сәгатьтән 18:00 сәгатькә кадәр фестиваль мәйданчыгында «Яхшы куллар» хәйрия склады әйберләрен кабул итү мобиль пункты эшләячәк. Әйберләр чиста һәм яхшы хәлдә булырга тиеш, аларны оешма карамагындагыларга тапшырачаклар. Ел саен 12 меңгә якын кеше складта кием-салым, аяк киеме, көнкүреш техникасы һәм башка әйберләрне бушлай ала.

Шулай ук укыгыз

Барлык яңалыклар