«Кремльдә Ольга Скепнер катнашында JAZZ» фестиваленә беренче тапкыр пианист Вадим Неселовский киләчәк

18-нче июльдә ул Германиядән килгән валторнист, мультиинструменталист Аркадий Шилклопер белән бергә чыгыш ясаячак.

(Казан шәһәре KZN.RU, 16-нчы июль). Казанда «Кремльдә Ольга Скепнер катнашында JAZZ» XIII Халыкара импровизацион музыка фестивале дәвам итә. Якындагы концерт 18-нче июльдә Казан Кремлендә узачак.

Фестивальнең икенче кичәсе Германиядән килгән валторнист, мультиинструменталист Аркадий Шилклопер һәм дөньякүләм танылган пианист, фестивальгә АКШтан беренче тапкыр килүче Вадим Неселовскийның иҗади тандемына багышланачак. Моннан тыш концертта «Дмитрий Илугдин трио» Россия коллективы чыгыш ясаячак.

Джаз open-airы Казан Кремленең Пушечный дворында 19.30 сәгатьтә башлана. Кунаклар 19.00 сәгатькә җыела, дип хәбәр итә фестивальнең матбугат хезмәте.

Шулай ук укыгыз

Барлык яңалыклар