Бу атнада Татарстанда +4 градуска кадәр суытачак

Бу атнада Татарстанда +4 градуска кадәр суытачак

<p> Бу атнада Татарстанда коры һава һәм суыту фаразлана. Бу хакта республиканың Гидрометеорология үзәге кисәтә. </p> <p> Иртәгә Казанда алмашынучан болытлы һава, сизелерлек явым-төшем булмаячак. Төнлә температура +11..+13 градус, көндез синоптиклар урыны белән секундына 14 метрга кадәр җил һәм +25..+27 градуска кадәр җылыну вәгъдә итә. </p> <p> Чәршәмбе, 4 сентябрьдә, Татарстанда сизелерлек явым-төшем көтелми. Төнлә +4..+9 градуска кадәр суыта. Көндез +15..+20 градустан югары булмас дип фаразлана. </p> <p> Антициклональ һава торышы республикада пәнҗешәмбе һәм җомга көннәрендә, 5 һәм 6 сентябрьдә сакланачак. Явым-төшем ихтималы зур булмаячак. Төнге температура + 4..+9 градус чикләрендә, көндез +15 тән + 20 градуска кадәр булыр дип көтелә. </p> <p> Якынча фаразлар буенча, шимбә көнне, 7 сентябрьдә, явым-төшем ихтималы аз булачак. Көндез термометр баганалары +17..+22 градуска кадәр күтәреләчәк. </p>

2024-09-02T16:28:00+0300