Бу атнада Татарстанда -33 градуска кадәр суыта

Бу атнада Татарстанда -33 градуска кадәр суыта

<p> </p> <div class="detail-picture"> <img src="https://kzn.ru/upload/iblock/a1e/a1ef463543224aa450fdc05ca9162362.jpg"> <p class="detail-picture__caption"> Фото: Марат Мөгыйнов </p> </div> Якын көннәрдә Татарстанда һава температурасы нормадан 9-14 градуска түбәнрәк булачак, атмосфера басымы сизелерлек артачак, ә явым-төшем туктаячак. Бу хакта республиканың Гидрометеоүзәгендә кисәттеләр. <p> </p> <p> Иртәгә Казанда алмашынучан болытлы һава торышы көтелә. Төнлә һәм иртән -19..-21 градуска кадәр суытачак, аязганда – -25 градуска кадәр. Көндез термометр баганалары 15-17 градус салкын күрсәтәчәк. Юлларда бозлавык барлыкка килергә мөмкин. </p> <p> Пәнҗешәмбе, 15 нче февральдә, төнлә һәм иртән Татарстан халкын -22..-27 градуска кадәр салкыннар көтә, урыны белән -30 градус булырга мөмкин. Көндез -16..-21 градуска кадәр җылыта. </p> <p> Синоптиклар фаразлавынча, җомга һәм шимбә көннәрендә, 16 нчы һәм 17 нче февральдә, салкын һава торышы сакланачак, төнлә температура -25..-30 градуска кадәр төшәчәк. Түбән урыннарда 33 градуска кадәр салкын көтелә. Көндез һава торышы -16 градуска кадәр җылынырга тиеш, дип вәгъдә итәләр синоптиклар. </p> <br>

2024-02-13T17:05:00+0300