Бу атнада Татарстанда -12 градуска кадәр суыта

Бу атнада Татарстанда -12 градуска кадәр суыта

<p> Якын көннәрдә Татарстанда температура түбәнәя башлаячак. Атна ахырында синоптиклар юеш кар рәвешендәге явым-төшемнәр вәгъдә итә, төнлә һәм иртән томан һәм бозлавык булырга мөмкин, дип хәбәр итә республика Гидрометүзәге. </p> <p> Иртәгә Казанда синоптиклар явым-төшемсез алмашынучан болытлы һава фаразлыйлар. Төнлә һәм иртән урыны белән томан һәм бозлавык вәгъдә итәләр. Җил – төньяк-көнчыгыштан, көньяк-көнчыгышка таба күчүчән, 4-9 м/с тизлектә. Төнге температуралар -3..-5 градус тәшкил итәчәк, көндез – -2..0 градус. </p> <p> Татарстанда киләсе көннәрдә явым-төшем ихтималы зур түгел. Иртәгә минималь температура -3 тән -8 градуска кадәр тәшкил итәчәк. </p> <p> Чәршәмбе һәм пәнҗешәмбе, 27 һәм 28 ноябрьдә, термометр баганаларын -4 тән -9 градуска кадәр күрсәтәчәкләр. Көнчыгыш районнарда -12 градуска кадәр суытачак, бу көннәрдә һаваның максималь температурасы 0..-5 градустан да югары булмаячак. Төнге һәм иртәнге сәгатьләрдә урыны белән томан булуы мөмкин, юлларның аерым өлешләрендә бозлавык көтелә. </p> <p> ТР Гидрометүзәгенең якынча фаразы буенча, 29 һәм 30 ноябрьдә республиканың аерым районнарында бераз юеш кар явачак. Төнлә 4-9 градус салкын булуы көтелә, көндез термометр баганалары +1..-4 градус күрсәтәчәк. Җомга көнне Татарстанның көнчыгышында аязган вакытта -12 градуска кадәр булыр дип фаразлана. Юлларда урыны белән бозлавык сакланачак. </p>

2024-11-25T16:43:00+0300