Бу атнада республикада буран һәм юеш кар көтелә

Бу атнада республикада буран һәм юеш кар көтелә

<p> Якын көннәрдә республика Төньяк Атлантика циклоннары һәм аларның атмосфера фронтлары йогынтысына дучар булачак. Синоптиклар кар һәм юеш кар явуын фаразлый. Кайбер районнарда бураннар, көндезге сәгатьләрдә температураның аз гына күтәрелүе көтелә. </p> <p> 4 мартта Татарстанда бераз кар явачак, көндез урыны белән буран булуы ихтимал. Төнлә һаваның минималь температурасы -3..-8 градус тәшкил итәчәк, көнчыгышта -11 градуска кадәр, тәүлекнең көндезге вакытында – 0..-5 градуска кадәр салкын булачак. </p> <p> Иртәгә Казанда синоптиклар бераз кар белән болытлы һава вәгъдә итә. Төнлә җил секундына 6-11 метр тизлек белән көньяктан, ә көндез – көньяк-көнчыгыштан булачак. Төнлә термометр баганалары -3..-5 градус күрсәтәчәк. Көндез максималь температура -1 дән -3 градуска кадәр булачак. Юлларда бозлавык хасил була. </p> <p> Чәршәмбе һәм пәнҗешәмбе көннәрендә республикада юеш кар явачак. 5 мартта төнлә һәм иртән кайбер районнарда буран көтелә. Төнлә синоптиклар һава температурасы -2..-8 градус, көндез -5 градустан +1 градуска кадәр булыр, дип фаразлый. </p> <p> Атна ахырында, 7 һәм 8 нче март көннәрендә, кар һәм юеш кар күренәчәк. Төнлә термометр баганалары -3..-8 градус, көндез – 0 дән -5 градуска кадәр күрсәтәчәк, дип хәбәр итә ТР Гидрометүзәге. </p>

2025-03-03T17:34:00+0300