Бу атнада синоптиклар Татарстанда кыска вакытлы яңгырлар һәм яшеннәр фаразлый

Бу атнада синоптиклар Татарстанда кыска вакытлы яңгырлар һәм яшеннәр фаразлый

<p> Бу атнада Татарстан халкын кыска вакытлы яңгырлар көтә. Һаваның максималь температурасы +30 градус тәшкил итәчәк. </p> <p> ТР Гидрометүзәктә хәбәр итүләренчә, иртәгә Казанда алмашынучан болытлы һава торышы көтелә. Төнлә 4-9 м/с тизлек белән төньяк-көнчыгыш һәм көнчыгыш җиле көтелә. Төнлә +15..+17 градус, көндез термометр баганалары +28..+30 градус, җилнең көчәюе 13 м/с ка кадәр булырга мөмкин. </p> <p> Пәнҗешәмбе көнне, 18 июльдә, урыны белән Татарстан буйлап яшенле һәм җилле кыска вакытлы яңгырлар узачак. Төнлә +14..+19 градуска кадәр суыта. Көндез һава +24..+29 градуска кадәр җылыначак. </p> <p> Синоптиклар фаразына караганда, 19 һәм 20 июльдә һава торышының тотрыксыз характеры сакланачак. Урыны белән кыска вакытлы яңгырлар һәм яшеннәр көтелә. Төнлә һава температурасы +13..+18 градус булачак. Көндез һава +25..+30 градуска кадәр җылыначак. </p>

2024-07-16T12:41:00+0300