Бу атнада казанлылар 4 көн рәттән ял итәчәкләр

6 гыйнварга туры килгән шимбә ял көне җомга 9 мартка күчерелде.

(Казан шәһәре KZN.RU, 6-нчы март). Казанлылар Халыкара хатын-кызлар көне уңаеннан 8 марттан 11 мартка кадәр ял итәчәкләр. 7 мартта эш көне бер сәгатькә кыскара.

8 март РФ Хезмәт кодексының 112 маддәсе буенча эшләми торган ял көне итеп билгеләнде. Шул ук вакытта 2018 елда 6 гыйнварга туры килгән шимбә ял көне җомга 9 мартка күчерелде. Шулай итеп, биш көнлек эш атнасы очрагында 8, 9, 10 һәм 11 март ял көннәре булачак, дип хәбәр итә ТР Хезмәт, халыкны эш белән тәэмин итү һәм социаль яклау министрлыгы матбугат хезмәте.

Искәртергә кирәк, 8 мартта Казанда бәйрәм чаралары узачак. ТР Милли музее бүләкләр ярминкәсе һәм интерактив экскурсия оештыра, Казан зооботаник бакчасы – открытка ясау буенча мастер-класс.

Шулай ук укыгыз

Барлык яңалыклар