Бу атнада Татарстанда синоптиклар бераз кар һәм буран фаразлый

Бу атнада Татарстанда синоптиклар бераз кар һәм буран фаразлый

<p> Киләсе тәүлектә Татарстанда кар, юеш кар, көндез урыны белән көчле кар көтелә. Кайбер районнарда күрү мөмкинлеге 1 чакрым һәм аннан да кимрәккә кадәр начараю белән бураннар вәгъдә итәләр, дип хәбәр иттеләр ТР Гидрометүзәге матбугат хезмәтендә. </p> <p> Иртәгә Казанда синоптиклар юеш кар белән болытлы һава торышын фаразлый. Кайбер районнарда төнлә һәм көндез буран көтелә. Көньяк-көнбатыштан һәм көньяктан секундына 5-10 метр тизлек белән җил, аның тизлеге урыны белән секундына 14 метрга кадәр җитәргә мөмкин. Көндез һаваның максималь температурасы -1..-3 градус булачак. Төнлә -5 градуска кадәр суытачак. Юлларда бозлавык һәм кар көртләре вәгъдә итәләр. </p> <p> Татарстанда 17 декабрьдә тизлеге секундына 15 метрга кадәр булган көчле җил булачак, иртән һәм көндез бозлавык сакланачак. Төнлә һава температурасы -2..-7 градус, көндез 0..-5 градус салкын булачак. </p> <p> Чәршәмбе, 18 декабрьдә, болытлы, урыны белән буранлы һава торышы сакланачак, ә төнлә җилнең тизлеге секундына 15 метрга кадәр җитәчәк. Төнлә һава температурасы -4..-9 градус, ә көндез -1 дән -6 градус тәшкил итәчәк. </p> <p> Пәнҗешәмбе, 19 декабрьдә, синоптиклар аерым районнарда бераз кар һәм буран вәгъдә итә. Төнлә термометр баганалары -7..-12 градуска кадәр төшәчәк, көнбатышта -16 градуска кадәр суытачак, ә көндез -4 тән -9 градуска кадәр салкын булыр, дип фаразлана. </p> <p> ТР Гидрометүзәгенең якынча фаразлары буенча, җомга көнне, 20 декабрьдә, 19 градуска кадәр салкын булачак, көнчыгышта һәм түбән урыннарда термометр баганалары -22 градуска кадәр төшәчәк. Көндез -5..-10 градуска кадәр җылытачак. </p> <p> Шимбә көнне, 21 декабрьдә, кар, юеш кар, көндез урыны белән яңгырга әйләнә торган явым-төшем көтелә. Көндез синоптиклар -2 дән +3 градуска кадәр җылыту вәгъдә итә. </p> <p>   </p>

2024-12-16T16:04:00+0300