Дәүләт хезмәтләре бердәм порталында сәләтле балалар өчен грантлар рәсмиләштерү буенча сервис барлыкка киләчәк

Грантлар бирү «Цифрлы икътисад» илкүләм программасының «Цифрлы икътисад өчен кадрлар» федераль проекты кысаларында алып барылачак.

(Казан шәһәре KZN.RU, 21-нче август). 1-нче сентябрьдән Бердәм дәүләт хезмәтләре порталында сәләтле балалар өчен грантлар рәсмиләштерү буенча сервис барлыкка киләчәк. Математика, информатика һәм цифрлы технологияләр өлкәсендә аерым казанышлары булган укучылар 125 мең сум күләмендә грантка гариза бирә алачак.

Гариза бирү өчен Бердәм дәүләт хезмәтләре порталында расланган хисап язмасы булырга тиеш. Грантка гаризаны законлы вәкил, яисә 14 яшькә җиткән укучы үзе агымдагы елның 1-нче сентябреннән 10-нчы октябренә кадәрге вакыт аралыгында рәсмиләштерергә мөмкин, ә грант түләү турындагы карар 1-нче ноябрьгә кадәр кабул ителәчәк.

Электрон гаризага скан-күчермәләр яки уку урыныннан белешмә һәм профильле өлкәләрдә югары казанышларны раслаучы документлар фотографияләрен беркетергә кирәк. Белдерүдә шулай ук Россия кредит оешмасында ачылган исәп-хисап счетының реквизитларын күрсәтергә кирәк.

Грантка Россия укучылары һәм чит илләрдә яшәүче, математика, информатика һәм цифрлы технологияләр өлкәсендә аерым казанышларга ия, шулай ук күренекле сәләтләрен күрсәткән балалар турында дәүләт мәгълүмат ресурсына кертелгән Россия гражданнары һәм Россия гражданлыгы булган балалар дәгъва итә ала.

Грантлар бирү «Цифрлы икътисад» илкүләм программасының «Цифрлы икътисад өчен кадрлар» федераль проекты кысаларында алып барылачак, дип хәбәр итә ТР Дәүләт идарәсенең, мәгълүмат технологияләренең һәм элемтәсенең цифрлы үсеш министрлыгы матбугат хезмәте.

Шулай ук укыгыз

Барлык яңалыклар