2018 елгы дөнья чемпионатында 325 медик эшләячәк

2018 елгы дөнья чемпионатында 325 медик эшләячәк

<p> (Казан шәһәре KZN.RU, 31-нче май). 325 медик Казанда футбол буенча дөнья чемпионатында эшләячәк, ә FIFA уеннарының төп госпитальләре буларак Республика клиник хастаханәсе һәм 7-нче шәһәр клиник хастаханәсе билгеләнде. Бу хакта “Татар-информ” мәгълүмат агентлыгында үткән матбугат конференциясендә ТР сәламәтлек саклау министры урынбасары Илдар Фатыйхов хәбәр итте.<br> </p> <p> Ул билгеләп үткәнчә, табиблар һәм медицина хезмәткәрләре махсус әзерлек курслары үтте. “Һәр мобиль бригада һәм медицина пунктлары, ашыгыч медицина ярдәме хезмәткәре курслар үтте. ФИФАның катгый таләпләре бар – медицина ярдәмен сорап мөрәҗәгать итеп, ярдәм күрсәтелү вакыты өч минуттан артырга тиеш түгел, ә пациент белән машина хастаханәгә 15 минут эчендә барып җитәргә тиеш. Без бу күрсәткечләргә сыешабыз”, - диде FIFA футбол ярышларының Казандагы баш табибы Арслан Вәлиев. </p> <p> Уеннар вакытында “Казан Арена” стадионында 11 медицина пункты, шул исәптән тамашачылар өчен төп клиника, 20 мобиль медицина бригадасы, 16 ашыгыч медицина ярдәме бригадасы эшләячәк. </p> <p> Җанатарлар фестивале мәйданчыгында 1 төп медицина пункты, 5 мобиль медицина бригадасы эше оештырыла, шулай ук 5 ашыгыч медицина ярдәме бригадасы кизү торачак. </p> <p> Командалар һәм матч алды кунакханәләре нигезендә тәүлек буе ашыгыч медицина ярдәме бригадалары эшләячәк. </p> <p> Барлыгы бер үк вакытта 26 бригада, 25 мобиль бригада, 12 медицина пункты эшләячәк, дип хәбәр итә ТР Сәламәтлек саклау министрлыгы матбугат хезмәте. </p>

2018-05-31T15:10:51+0300