Серов урамындагы бульварда Брайль шрифтындагы китаплар укып, китапханә кичәсе узачак

Серов урамындагы бульварда Брайль шрифтындагы китаплар укып, китапханә кичәсе узачак

<p> Серов урамындагы бульварда бүген, 9 нчы июнь көнне, Брайль шрифтындагы китапларны кычкырып уку кичәсе булачак. Әкиятләрдән өзекләрне шәһәр китапханәләре хезмәткәрләре дә, сукырлар һәм начар күрүчеләр өчен республика махсус китапханәсенә килүчеләр дә укыячак. </p> <p> Китаплар укыганда Брайль шрифтында бастырылган һәм зур шрифтлы китаплар файдаланылачак, дип ачыкладылар Казанның парклар һәм скверлар дирекциясендә. Укыганнан соң, яшь казанлылар белән берлектә әсәрләр буенча фикер алышу булачак. </p> <p> Китапханә кичәсендә шулай ук китаплар белән алмашырга да мөмкин булачак. Барлык кушылырга теләүчеләрне 19:00 сәгатьтә көтәчәкләр. </p> <p> Уку кичәсе Ш.К.Еникеев исемендәге сукырлар һәм начар күрүчеләр өчен республика махсус китапханәсе һәм 27 нче номерлы китапханә белән берлектә оештырылган. </p> <p> Элегрәк Казанда Серов урамындагы бульварны төзекләндерүнең икенче этабы керә, дип хәбәр ителгән иде. Эшләрне «Яшәү өчен инфраструктура» милли проекты кысаларында башкарачаклар. </p> <br> <p>   </p>

2025-06-09T11:06:00+0300