Яңалыклар
29.06.2023, 16:34
«Ак чәчәкләр» бульварында «Бакчачы мәктәбе» ачылачак
Эксперт булып агроном-эколог һәм агач инспекторы Александр Матюха чыгыш ясаячак
Фото: Денис Гордийко
Эксперт булып агроном-эколог, сертификатланган агач инспекторы һәм Шәһәрне үстерү институты эксперты Александр Матюха чыгыш ясаячак. Курстан соң тыңлаучылар яшеллекләрне аерырга һәм үсемлекләрне карарга өйрәнәчәк, дип ассызыкладылар ТР башкаласының Парклар һәм скверлар дирекциясендә. Дәресләрдә үсемлекләр турында файдалы мәгълүмат белән эш дәфтәре биреләчәк.
Уку өчен гаризалар түбәндәге сылтама буенча 30 нчы июньнең 15:00 сәгатенә кадәр кабул ителә. Мөһим шарт – барлык дәресләргә дә йөрү. Оештыручылар проектта катнашачак 25 кешене сайлап алачак. Дәресләр программасы белән теләүчеләр сылтама буенча таныша ала, беренчесе 2 нче июльдә узачак.
«Бакчачы мәктәбе» – парклардагы яшеллекләрне карау үзенчәлекләрен өйрәнүгә, шулай ук аларга җаваплы мөнәсәбәт тәрбияләүгә юнәлдерелгән белем бирү проекты.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
