Зур Казан боҗрасында трамвай юлларын салу 70%-ка үтәлгән

Узган атнада Зур Казан боҗрасының икенче участогында 300 метр озынлыктагы яңгыр канализациясе торбалары салынган.

(Казан шәһәре KZN.RU, 6-нчы июль). Татарстан башкаласында Борисково урамыннан Техника урамына кадәр 1,222 чакрым озынлыктагы участокта Зур Казан боҗрасы төзелешенең икенче этабы дәвам итә. Узган атнада объектта 2-нче номерлы троллейбус депосы районында вагоннар борылышы өчен трамвай линияләрен монтажлау дәвам итте. Хәзерге вакытта трамвай юлларын салу 70%-ка үтәлгән. Шулай ук узган атнада төзүчеләр 300 метр озынлыкта яңгыр канализациясе торбалары суздылар.

Монастырь ермагы аша күпер төзелеше барышында трамвай һәм сул як юлларның пролетлы корылмаларының эш вакытында таяныч булган махсус корылмаларын һәм ярдәмче корылмаларны сүтү тәмамланды. Автомобиль юлының уң як өлешендәге күпернең пролет корылмасы бетонланды. Терәк диварлар арасында күпергә һәм юл полотносына якын килүне булдыру өчен комлы грунт сибү башланды.

Запорожье урамыннан алып Землемер урамына кадәрге төзелеш участогында җир өслеге катламын булдыру һәм юл киемнәрен урнаштыру эшләре дәвам итте. Объекттан 6780 кубометр чүп-чар һәм яраксыз грунт чыгарылды, 3300 тонна инертлы материаллар алып кайтылды. Төзүчеләр 1200 кв.м мәйдандагы җир өслеген төзекләндерделәр, 2650 кв.м мәйдандагы асфальт-бетон өслекнең өске катламын түшәделәр. Тротуарларны түшәү һәм борт ташын урнаштыру эше дәвам итте.

Узган атнада эшкә инженер-техник персоналдан 161 кеше һәм 18 махсус техника җәлеп ителде, дип хәбәр итә ТР Транспорт һәм юл хуҗалыгы министрлыгы матбугат хезмәте.

Исегезгә төшерәбез, Борисково урамыннан Техника урамына кадәрге участокта Зур Казан боҗрасы төзелешенең икенче этабы мартта старт алды. Юл «Имин һәм сыйфатлы автомобиль юллары» илкүләм проект буенча төзелә. Участокның озынлыгы 1,22 чакрым тәшкил итә. Дүрт полосалы юл һәр юнәлештә ике полоса белән беренче класслы гомумшәһәр әһәмиятендәге магистраль урам категориясе буенча проектланган. 700 м озынлыктагы участокны 2020 елда, ә 522 м озынлыктагы участокны 2021 елда кулланылышка кертү планлаштырыла.

Параллель рәвештә Мидхәт Булатов урамыннан Борисково урамына кадәрге участокта Зур Казан боҗрасының беренче этабын төзү эшләре алып барыла, анда Ферма шоссесына чыгу юлы һәм җир асты кичүе белән 800 метр озынлыктагы дүрт полосалы юл салына.

Шулай ук укыгыз

Барлык яңалыклар