Зур Казан боҗрасында җир өсте җәяүлеләр кичүенең пролет корылмаларын монтажладылар

Зур Казан боҗрасының беренче этабында яңгыр канализациясе челтәрләрен үзгәртеп кору 90%-ка башкарылды.

(Казан шәһәре KZN.RU, 6-нчы июль). Татарстан башкаласында Мидхәт Булатов урамыннан Борисково урамына кадәрге участокта Зур Казан боҗрасының беренче этабын төзү дәвам итә. Узган атнада объектта Борисково урамына җәяүлеләр кичүенең пролет корылмаларын монтажлау, элемтә челтәрләрен яңадан урнаштыру эшләре тәмамланды. Яңгыр канализациясе челтәрләрен яңадан урнаштыру 90%-ка башкарылды.

Ферма шоссесы өстеннән уза торган юлүткәргечтә төзүчеләр трамвай юлларын салдылар һәм пролет корылмаларында суүткәргеч лотокларны монтажлауны дәвам иттеләр. Шулай ук Зур Казан боҗрасы төзелешенең беренче этабы барышында узган атнада терәк диварларның берсендә рәшәткә киртәләр урнаштырылды.

Тула урамында Ферма шоссесындагы борылыш участогында һәм җәяүлеләр кичүе пролетлары астында юл полотносы урнаштыру эшләре дә дәвам итте. 378 метр озынлыктагы борт ташы монтажланган.

Беренче этапны төзүдә узган атнада 26 махсус техника һәм 84 белгеч мәшгуль иде, дип хәбәр итә ТР Транспорт һәм юл хуҗалыгы министрлыгы матбугат хезмәте.

Исегезгә төшерәбез, Зур Казан боҗрасының беренче этабы 2019 елның июлендә «Имин һәм сыйфатлы автомобиль юллары» илкүләм проекты буенча төзелә башлады. Мидхәт Булатов урамыннан Борисково урамына кадәр Ферма шоссесы өстеннән һәм җир астыннан юлүткәргеч белән 800 м озынлыктагы дүрт полосалы юл төзелә.

Борисково урамыннан Техника урамына кадәрге участоктагы төзелешнең икенче этабы март аенда башланды. Участокның озынлыгы 1,22 чакрым тәшкил итә. Дүрт полосалы юл һәр юнәлештә ике полоса белән беренче класслы гомумшәһәр әһәмиятендәге магистраль урам категориясе буенча проектланган. 700 м озынлыктагы участокны 2020 елда, ә 522 м озынлыктагы участокны 2021 елда кулланылышка кертү планлаштырыла.

Шулай ук укыгыз

Барлык яңалыклар