Зур Казан боҗрасында Тула урамы буенча трамвайның контактлы челтәрен монтажлаганнар

Объектта Борисково урамы буенча җир өсте кичүен төзү төгәлләнеп килә.

(Казан шәһәре KZN.RU, 3-нче август). Татарстан башкаласында Зур Казан боҗрасының беренче этабын төзү дәвам итә. Хәзер объектта трамвайның контакт челтәрен монтажлау башкарыла. Узган атнада трамвай хәрәкәте Тула урамы буенча Ферма шоссесыннан даими схема буенча күчерелде.

Ферма шоссесы өстеннән уза торган юлүткәргечтә эшләр берникадәр күләмдә төгәлләнгән, аерым алганда, сул һәм уң юлларның ике терәгендә күчеш зоналарын урнаштыру, уң һәм сул пролет корылмаларында рәшәткә һәм киртә коймалар урнаштыру эшләре тәмамланган. Моннан тыш, узган атнада юлүткәргеч конструкцияләрен сынауга әзерләү кысаларында контроль-үлчәү приборлары урнаштыру алып барылды.

Борисково урамы буенча җир өсте кичүен төзү шулай ук ахырына якынлашып килә. Белгечләр керү юлларының җәяүлеләр өлешен түшәделәр һәм конструкцияләрнең киеренке-деформацияләнгән торышына тикшерүләр һәм сынаулар уздырдылар.

Моннан тыш, сул һәм уң съездларда юл полотносын салу төгәлләнгән.

Бүгенге көндә эшчеләр юл билгеләре куюны дәвам итәләр. Узган атнада Зур Казан боҗрасының беренче этабы төзелешендә барлыгы 68 белгеч һәм 13 берәмлек махсус техника катнашты, дип хәбәр итә ТР Транспорт һәм юл хуҗалыгы министрлыгы матбугат хезмәте.

Исегезгә төшерәбез, Зур Казан боҗрасы төзелешенең беренче этабы 2019 елның июлендә «Имин һәм сыйфатлы автомобиль юллары» илкүләм проекты буенча төзелә башлады. Мидхәт Булатов урамыннан алып Борисково урамына кадәрге 800 м озынлыктагы участокта Ферма шоссесы өстеннән юлүткәргеч һәм җир асты кичүе булган дүрт полосалы юл төзелә.

Төзелешнең икенче этабы - Борисково урамыннан Техника урамына кадәрге участокта - мартта башланып китте. Участокның озынлыгы 1,22 чакрым тәшкил итә. Дүрт полосалы юл һәр юнәлештә ике полоса белән беренче класслы гомумшәһәр әһәмиятендәге магистраль урам категориясе буенча проектланган. 700 м озынлыктагы участокны 2020 елда, ә 522 м озынлыктагы участокны 2021 елда кулланылышка кертү планлаштырыла.

Шулай ук укыгыз

Барлык яңалыклар