Зур Казан боҗрасында Монастырь ермагы аша уза торган күпердә трамвай юлларын салуга әзерләнәләр

Икенче этапны төзүдә инженер-техник персоналга краган 166 кеше һәм 26 берәмлек махсус техника катнаша.

(Казан шәһәре KZN.RU, 8-нче июнь). Казанда Борисково урамыннан Техника урамына кадәрге 1,222 чакрым озынлыктагы участокта Зур Казан боҗрасының икенче этабы төзелеше дәвам итә. Үткән атнада объектта опалубка урнаштыру һәм трамвай юлларына чыгу юллары һәм сулъяк юл аралык корылмасын ныгыту алып барылды, 100 метр яңгыр канализациясе торбалары һәм 110 метр су белән тәэмин итү торбалары сузылды.

Икенче этапта эш вакытында таяныч булачак махсус корылмаларны һәм баганалар арасында форма барлыкка китерүче элементларны җыю төгәлләнде инде. Проект күләме 610 куб.м булган трамвай юлы һәм проект күләме 975 куб.м булган сул як юл өчен аралык корылмаларын бетонлауга әзерләнәләр.

Эшчеләр юл полотносы төзиләр, шул исәптән Прибрежная урамыннан алып Тихорецкая урамына кадәр, шулай ук Лодейная урамындагы участокта. Бүгенгә 1200 кв.м тротуар асфальтланган, 880 метр борт ташы монтажланган.

Шулай ук объектта 2-нче номерлы троллейбус депосы районында борылыш боҗрасында трамвай юлларын монтажлау эшләре дәвам итә. Трамвай юлларының балластировкасы һәм трамвай элемтә челтәренең терәкләрен урнаштыру белән Бакый Урманче урамыннан Монастырь ермагы аша уза торган күпергә кадәр һәм Авангард урамы янындагы борылыш боҗрасында рельс-шпал рәшәткәләрен салу башкарыла. Бер юллы исәп буенчы 2 чакрымнан артык юл салынган инде.

Моннан тыш, узган атнада чистарту корылмалары кишәрлекләрендә һәм алга таба котлован эшкәртү өчен кирәкле системалар урнаштыру белән янгын резервуарлары өчен шпунт киртәсен кую эшләр дәвам итте.

Төзелеш территориясендә 100 метр озынлыктагы яңгыр канализациясе торбалары һәм 110 метр озынлыктагы су белән тәэмин итү торбалары салынды.

Төзелештә инженер-техник персоналга караган 166 кеше һәм 26 махсус техника эшли, дип хәбәр итә ТР Транспорт һәм юл хуҗалыгы министрлыгы матбугат хезмәте.

Шулай ук укыгыз

Барлык яңалыклар