Хәйрия ярминкәләрендә Казан мәктәпләре 8 млн сумнан артык табыш алган

Хәйрия ярминкәләрендә Казан мәктәпләре 8 млн сумнан артык табыш алган

<p> Казан мәктәпләрендә «Игелек атнасы» гадәттәгечә хәйрия ярминкәләре белән тәмамланды. Алар 133 белем бирү учреждениесен һәм бөтен шәһәр буенча 120 меңнән артык кешене берләштергәннәр. Барлыгы 8 млн сумнан артык акча җыелган. </p> <p> Мәсәлән, 12 нче һәм 80 нче мәктәпләр Иске Татар бистәсендә зур ярминкә оештырган. Килүчеләр төрле товарларны сатып алу белән бергә, мастер-классларда да катнаша һәм концерт карый алганнвр, дип хәбәр иттеләр ТР башкаласының Башкарма комитетының мәгариф идарәсендә. </p> <p> Карнавал ярминкәсен 189 номерлы «Заман» гимназиясе оештырган. Кунаклар өчен мастер-класслар, конкурслар һәм аттракционнар әзерләнгән. Балалар һәм ата-аналар кулы белән ясалган төрле товарлар һәм сувенирлар сатылган. </p> <p> «Карлыгач» 332 нче балалар бакчасында ярминкәдә коймак пешергәннәр, мастер-класслар үткәргәннәр һәм биегәннәр. Акция вакытында 50 кг терлек азыгы җыелган. </p> <p> Мәктәпләр җыелган акчаларны кая җибәрергә икәнен мөстәкыйль хәл итәләр. Бу йорт хайваннары приютларына, хәйрия фондларына ярдәм итәргә, махсус балалар өчен махсус җиһазлар сатып алырга мөмкин һ.б. </p> <p> Исегезгә төшерәбез, узган ел хәйрия ярминкәләрендә ТР башкаласында мәктәп укучылары 6 млн 309 мең сум <a target="_blank" href="https://kzn.ru/meriya/press-tsentr/novosti/na-blagotvoritelnykh-yarmarkakh-kazanskie-shkolniki-sobrali-6-3-mln-rubley/?lang=ta">җыйдылар</a>. Акчалар сәламәтлек үзенчәлекләре булган балалар өчен махсус җиһазлар сатып алуга һәм махсус хәрби операциядә катнашучыларга ярдәмгә җибәрелде. </p>

2024-09-17T16:41:00+0300