Казанда «Ак чәчәк» хәйрия акцияләрендә балаларга ярдәмгә 220 мең сумнан артык акча җыелды

Казанда «Ак чәчәк» хәйрия акцияләрендә балаларга ярдәмгә 220 мең сумнан артык акча җыелды

<p> </p> <div class="detail-picture"> <img src="https://kzn.ru/upload/iblock/8fb/MMB_1372_870.jpg"> <p class="detail-picture__caption"> Фото: Марат Мугинов </p> </div> <p> (Казан шәһәре KZN.RU, 27-нче апрель). Ел саен үткәрелә торган «Ак чәчәк» хәйрия акциясе барышында Казанның зур православие мәхәлләләрендә 229 мең 595 сум акча җыелды. Аны үткәрү көнендә, 25-нче апрельдә, дин тотучылар сәламәтлеге мөмкинлекләре чикләнгән балалар ихтыяҗларына акча тапшырды. </p> <p> Әлеге изге эшкә катнашу билгесе итеп, иреклеләр акциядә катнашучыларга символик кәгазь бутоннар тапшырды, алар берничә атна дәвамында якшәмбе мәктәпләре педагоглары һәм тәрбияләнүчеләре, мәхәллә хезмәткәрләре, волонтерлар, Казан югары уку йортлары студентлары һәм авыру балалар тәрбияләүче әниләр тарафыннан әзерләгән. </p> <p> «Ак чәчәк» акциясенең тарихы ХХ гасыр башына туры килә. Башта аның максаты туберкулез белән авыручыларга акча җыю булган. Хәзер җыелган акчаларны инвалид балаларга һәм аларның әниләренә ярдәм итү өчен социаль проектларга җибәрәләр. Балалар бушлай мәдәни чараларга, иҗади һәм үстерү дәресләренә йөри ала: тәҗрибәле педагоглар җитәкчелегендә балчык һәм тукымалардан эшләнмәләр ясый, картиналар ясый, музыка, вокал, бию һәм физкультура белән шөгыльләнә; социаль такси хезмәтләреннән файдалана алачак. </p> <p> Шулай ук бу акция кысаларында 22-нче майда, изге Николай Чудотворецны искә алу көнендә, Казан Богородицкий ир-атлар монастыренда «Ак чәчәк көннәре» фестивале узачак, дип хәбәр ителә Татарстан митрополиясе сайтында. </p> <p>   </p>

2021-04-27T15:00:59+0300