Казанда «Лапа дружбы» хәйрия акциясендә «Зооцентр» приютыннан 10 көчекне тәкъдим итәчәкләр

Йорт хайваннарының күбесе стерилизацияләнгән – шәһәр халкы ошаган этне өйләренә алып китә алачак.

Фото: Марат Мөгыйнов

(Казан шәһәре KZN.RU, 3 нче июнь). 5 нче июньдә Казанда Горки-Әмәт урманында «Лапа дружбы» хәйрия акциясе узачак, анда шәһәр халкы дүрт аяклы дуслар таба алачак.

Акциядә «Зооцентр» приютында тәрбияләнүче ике айдан ике-өч яшькә кадәрге 10 эт баласы тәкъдим ителәчәк: Актәпи кушаматлы 1 малай һәм 9 кыз – Амели, Дымка, Бэйли, Стефания, Джули, Крапинка, Рута, Брауни (бер кызның әлегә исеме юк, аны казанлылар сайлый алачак).

Аларның күбесе стерилизацияләнгән, дип хәбәр иттеләр «Зооцентр»да. Өч көчеккә 6-8 айга булгач этләр өчен приютта бушлай операция ясалачак.

Приют хезмәткәрләре акциядә йорт хайваннары турында сөйләячәкләр, ә теләүчеләр «Игелек өстәле»ндә азык, дарулар һәм этләр өчен приютлар иң еш ихтыяҗ кичергән башка әйберләр калдыра алачак. Шулай ук хайваннар өчен натураль азык һәм тәм-томнар ярминкәсе оештырылачак. Приюттан эт алучыларга йорт хайванына бер атнага җитәрлек азык бүләк итәчәкләр, дип хәбәр иттеләр Казанның Парклар һәм скверлар дирекциясендә.

«Лапа дружбы» хәйрия акциясенең программасы:

10:00 сәгатьтә – этләр йөртү өчен мәйданчыкта катнашучыларны җыю;

11:00 дә – груминг-салон белгечләреннән этләрне карау турында лекция;

12:30 да – өйрәтелгән этнең күрсәтмә чыгышы;

13:00 дә – кинолог Мария Ткачевадан «Тәрбиягә алган эт: ничек гаиләдә җайлашырга ярдәм итәргә» дигән лекция

Исегезгә төшерәбез, 12 нче майда «Черек күл» паркында «Лапа дружбы» грант конкурсына йомгак ясалды. Анда мәктәпкәчә учреждениеләр вәкилләре, Казан мәктәпләре укучылары һәм аларның әти-әниләре, шулай ук шәһәр халкы катнашты. Алар сукбай хайваннарга ярдәм итүгә юнәлдерелгән үз проектларын тәкъдим иттеләр.

Казанда узган ел шәһәр халкы ярдәме белән «Зооцентр» приютыннан 406 эт гаиләле булган. Узган ел дәвамында шәһәр паркларында һәм скверларында үткәрелгән хәйрия акцияләрендә 38 хайван яңа хуҗаларын тапкан. Акцияләрнең берсендә Казан Мэры Илсур Метшин ике айлык эт баласын сыендырды, аны Аяврик дип атадылар.

Шулай ук укыгыз

Барлык яңалыклар