Яңалыклар
20.12.2023, 16:06
Казанда билбордларда Энергетика көне белән котлаулар пәйда булды
Фотоларда котельный операторлары, слесарь һәм энергорайон мастеры сурәтләнгән
Фото: «Казэнерго» АҖ
(Казан шәһәре KZN.RU, 20 нче декабрь). Казанда билбордларда Энергетика көне белән котлаулар пәйда булды. Фотоларда котельный операторлары, «Казэнерго» АҖ энергорайоны слесаре һәм мастеры сурәтләнгән. Энергетика сәнәгате предприятиеләре хезмәткәрләре үзләренең һөнәри бәйрәмнәрен Россиядә ел саен 22 нче декабрьдә билгеләп үтәләр.
Алты билбордта предприятиенең зур эш тәҗрибәсе булган хезмәткәрләренең фотолары урнаштырылган. Әйтик, шәһәр халкын алда торган Энергетика көне белән «Казэнерго»да 10 елдан артык эшләгән Совет энергорайоны слесаре Игорь Кириллов котлый. Икенче фотода предприятиегә 16 ел гомерен багышланган оператор Лилия Гатауллина сурәтләнгән.
Энергетика тармагы хезмәткәрләренең фотолары белән билбордларны Аграр, Мир, Серов, Краснококшайск, Танк һәм Әмәт магистрале урамнарында күрергә мөмкин.
«Казэнерго» АҖ – ТР башкаласын җылылык белән тәэмин итүче эре оешмаларның берсе, ул шәһәр халкының 25% ын җылылык энергиясе белән тәэмин итә. Предприятие 3481 объектка хезмәт күрсәтә, аларга 327 мәктәп һәм балалар бакчасы, шулай ук 1970 күп фатирлы йорт керә.
Исегезгә төшерәбез, быел «Безнең ишегалды» программасы буенча 274 ишегалды территориясендә оешма 2,2 мең терәк һәм 3,3 мең яктырткыч урнаштырды. Казанның тарихи үзәгендә туристик маршрутларда да эш башкарылды. Мәсәлән, К.Насыйри урамында җимерек терәк цокольләре һәм 62 натрий яктырткычлары светодиодлыларга алыштырылган. Шулай ук Ф.Кәрим урамында яктырткычлар белән 39 яктырту терәге урнаштырылган.
Быел яктырту яңа һәм төзекләндерелгән җәмәгать киңлекләре территориясендә дә барлыкка килде: Светлая долина микрорайоны паркында, Балыкчы бакчасында, Юныс мәйданында, И.Горький, Воровский урамындагы «Казан – хезмәт батырлыгы шәһәре» стеласы янында.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
