Миңнуллин исемендәге Республика балалар китапханәсе базасында мәдәният өлкәсендә беренче ирекле үзәк ачылачак

Миңнуллин исемендәге Республика балалар китапханәсе базасында мәдәният өлкәсендә беренче ирекле үзәк ачылачак

10 сентябрьдә Казанда мәдәният өлкәсендә беренче «Добро.Центр. Детская библиотека» ачылачак. Ул балаларда һәм яшьләрдә социаль активлыкны үстерергә, аларны волонтерлык эшенә җәлеп итәргә ярдәм итәчәк. Әлеге максат «Мәдәният» милли проектының «Мәдәният волонтерлары» программасы кысаларында гамәлгә ашырыла.<br> <br> Яңа учреждение Р.Миңнуллин исемендәге Республика балалар китапханәсе базасында Ямашев проспектындагы 81 нче йорт адресы буенча урнашачак. Биредә төрле волонтерлык программалары һәм ярдәмгә юнәлдерелгән проектлар гамәлгә ашырылачак.<br> <br> Мәсәлән, волонтерлар китапханә чараларын оештыруга һәм уздыруга кушылачак, социаль максатларны гамәлгә ашыруда ярдәм итәчәк, хәйрия акцияләре уздырачак һәм башка бик күп нәрсәләр оештырачак.<br> <br> ТР Мәдәният министрлыгының Матбугат хезмәте хәбәр иткәнчә, беренче яртыеллык йомгаклары буенча республика Идел буе федераль округы төбәкләре арасында мәдәният волонтерлары саны буенча иң яхшы бишлеккә кергән. Татарстанда барлыгы 10622 шундый активист исәпләнә.<br> <br> Бүгенге көндә Казанда дүрт «Добро.Центра» Ямашев проспекты, 1 һәм 81 нче биналарда, Красносельская урамы, 51 нче йортта һәм Париж Коммунасы урамы, 20/37 номерлы бинада ачылган.<br>

2024-09-06T17:43:00+0300