Яңалыклар
26.01.2022, 17:57
7 нче шәһәр хастаханәсе базасында заманча дәвалау-тернәкләндерү үзәге ачылды
Биредә терәк-хәрәкәт аппараты, үзәк нерв системасы зарарланган һәм коронавирус кичергән пациентларга ярдәм күрсәтәчәкләр.
Фото: president.tatarstan.ru
Мәйданы 12 мең кв.метрдан артык булган үзәк 147 койка-урынга исәпләнгән, әмма кирәк булган очракта пациентлар санын 300 гә кадәр арттырырга мөмкин. Монда планлы пациентлар да, стационар авырулар да киләчәк. Комплекс клиниканың үз пациентларын гына кабул итми, биредә Казанның якын районнарында яшәүчеләрне, шулай ук югары технологияле тернәкләндерү таләп ителгән кешеләрне дә кабул итәчәкләр.
Сигез катлы үзәк техниканың соңгы казанышлары буенча җиһазландырылган. Табиблар терәк-хәрәкәт аппараты, үзәк нерв системасы зарарланган пациентларга, шулай ук соматик тернәкләндерүгә мохтаҗларга ярдәм күрсәтәчәк. Үзәктә шулай ук ковид белән чирләп алган кешеләргә тернәкләндерү үткәреләчәк.
Үзәк базасында заманча технологияләр арасында экзокисть һәм экзоскелет, авыруларның хәрәкәт итү слинг системасы, шулай ук бөтенләй яңа югары технологияле җиһазлар, шул исәптән Казан дәүләт медицина академиясенең һәм Лобачевский исемендәге лицейның тернәкләндерү һәм спорт медицинасы системасы – акыллы палата бар.
Монда мөмкинлекләре чикләнгән пациентлар көнкүреш приборлары һәм яктылык белән идарә итү сәләте өстендә эшлиләр. Җайлаштырылган җиһазлар һәм бәдрәф-юыну бүлмәләре белән идарә итү системасы көнкүреш күнекмәләренә өйрәтү мәсьәләсен хәл итә, дип хәбәр итә ТР Президенты матбугат хезмәте.
Яңа үзәк үз эченә эрготерапия кабинеты, тренажер залы, спорт тернәкләндерү залы, кинезиотерапия, оксигенотерапия бүлмәләре, логопед һәм пациентлар өчен палаталарны ала.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
