Татарстан автомобиль юлларында ЮХИДИ патруль автомобильләренең муляжлары пәйда булды

Татарстан автомобиль юлларында ЮХИДИ патруль автомобильләренең муляжлары пәйда булды

<p> <img width="870" src="https://www.kzn.ru/upload/iblock/557/987042.jpg" height="652"> </p> <p> (Казан шәһәре KZN.RU, 13-нче август). Татарстанда федераль һәм төбәк әһәмиятендәге автомобиль юлларында ЮХИДИ патруль автомобильләренең муляжлары пәйда булды. Юл-патруль хезмәте машинасының беренче макеты Югары Ослан районында Казан-Ульяновск трассасының 30-нчы чакрымында урнаштырылды. </p> <p> Патруль автомобиле макеты металл профильдән эшләнгән. Ерактан караганда аны чын патруль машинасыннан аерып булмый диярлек. Макетларда ялтыравыклы маякчыклар урнаштырылган, бу исә әлеге карарны куллануның нәтиҗәлелеген арттыра, бигрәк тә тәүлекнең караңгы вакытында һәм күз күреме түбән булган шартларда. </p> <p> Муляжлар машина йөртүчеләрнең уяулыгын арттырырга һәм аларны тизлек режимын сакларга өндәргә тиеш. </p> <p> Мобиль макетларны авария куркынычы югары участокларда һәм юл эшләре башкару урыннарында урнаштыру планлаштырыла. Шул ук вакытта әлеге участокларда Дәүләт автоинспекциясе хезмәткәрләре тарафыннан юл хәрәкәте кагыйдәләре таләпләрен үтәү һәм фотовидеофиксация комплексларын куллану буенча реаль контроль башкарылачак, дип хәбәр итә ТР буенча Эчке эшләр министрлыгының ЮХИДИ матбугат хезмәте. </p>

2019-08-13T10:44:11+0300