Казанның Арча зиратында Советлар Союзы Герое Михаил Девятаев каберенә чәчәкләр салдылар

Тантанада Казан Башкарма комитеты җитәкчесе урынбасары Гүзәл Сәгыйтова һәм Балалар һәм яшьләр эшләре комитеты рәисе Айрат Фәизов катнашты.

Фото: Денис Гордийко

(Казан шәһәре KZN.RU, 27-нче апрель). Бүген Казанның Арча зиратында Советлар Союзы Герое, шәһәрнең мактаулы гражданы Михаил Девятаев каберенә чәчәкләр салдылар. Тантанада Казан Башкарма комитеты җитәкчесе урынбасары Гүзәл Сәгыйтова һәм Балалар һәм яшьләр эшләре комитеты рәисе Айрат Фәизов катнашты.

Михаил Девятаев Бөек Ватан сугышы елларында фронтка китә. 1944 елның июлендә аның самолеты бәреп төшерелә, очучы әсирлеккә эләгә. Авыр шартларда ул качу планын эшли һәм тормышка ашыра алган. Казанда 1957 елда Михаил Девятаев «Ракета» су асты канатларындагы беренче теплоход капитаны итеп билгеләнә. Пенсиягә киткәнче 1974 елда ул «Ракета» һәм «Метеор» типтагы судаларда капитан, шулай ук Казан елга портында капитан-остаз булып эшли. Михаил Девятаев соңгы көннәренә кадәр Казанда яшәгән.

Узган атнада Татарстан башкаласында каһарман истәлегенә елга порты янында 12 агач утыртылды. «Хәтер бакчасы» акциясендә катнашуны Казан Мэры Илсур Метшин һәм очучының оныгы Ирина Девятаева кабул итте. Татарстанда акция кысаларында барлыгы 700 мең агач утырту планлаштырыла, шул исәптән Казанда – 300 меңнән артык үсенте.

Ә гомумшәһәр өмәсе көнендә яшьләр активистлары Девятаев урамындагы Яшьләр паркында чисталык урнаштырдылар. Өмәгә ИЭУП студентлары, 13-нче, 18-нче һәм 41-нче номерлы мәктәпләр укучылары, «Иске шәһәр» префектурасы һәм Балалар һәм яшьләр эшләре комитеты хезмәткәрләре һәм җирле халык чыкты – барлыгы 500-гә якын кеше.

Бүген Казанда легендар совет очучысы турында «Девятаев» хәрби экшн-фильмын күрсәтү булачак.