Казанлыларны кошларга ярдәм итү акциясендә җимлекләр ясарга өйрәтәчәкләр

Канатлыларны ашату турында биолог Антон Бортяков сөйләячәк.

Фото: Марат Мөгыйнов

(Казан шәһәре KZN.RU, 27 нче гыйнвар). 28 нче гыйнварда Казанның Совет районында кошларга ярдәм акциясе узачак.

Шәһәрлеләр кошлар өчен түгәрәк җимлекләр ясап элә алачак. Акциядә биолог Антон Бортяков катнашачак. Ул катнашучыларга Татарстан кошлары һәм аларны ничек ашату турында сөйләячәк. Шулай ук шәһәрлеләр өчен призлар белән викторина уздырачаклар.

Акция «Весна» торак комплексында урнашкан паркта узачак. Очрашу урыны – стела яны. Чара 10:00 сәгатьтә башлана. Катнашу өчен теркәлергә – сылтама буенча хәбәр язарга кирәк, дип хәбәр итә Совет районы администрациясе.

Шулай ук укыгыз

Барлык яңалыклар