«Лапа дружбы» акциясендә казанлылар «Зооцентр»дан өч этне сыендырган

Приютның йорт хайваннары өчен хәйрия чарасында 80 кг терлек азыгы һәм 8 мең сум акча җыелган.

Фото: Денис Гордийко

(Казан шәһәре KZN.RU, 4 нче сентябрь). Бүген Фучик урамындагы бульварда узган «Лапа дружбы» хәйрия акциясендә казанлылар «Зооцентр» приюты карамагындагы өч этне өйләренә алып кайтып киткән.

Акциядә өч айдан өч яшькә кадәр булган 13 эт тәкъдим ителгән. Билгеле бер яшькә җиткәннәре инде прививкаланган һәм стерилизацияләнгән.

«Лапа дружбы»да приют өчен азык һәм акча да кабул иткәннәр. Волонтерлар 80 кг терлек азыгы һәм 8 мең сум җыя алды, дип хәбәр иттеләр Казанның парклар һәм скверлар дирекциясендә.

Акциядә белем бирү өлеше өчен дә вакыт табылды – эт яратучыларга хайван белән йөрү һәм приюттан алып кайтканнан соң яңа йортта эт ничек адаптация узуы турында сөйләделәр.

Исегезгә төшерәбез, бу ел башыннан Казанның «Зооцентр» приютыннан 233 эт
йортлы булды. Шәһәр паркларында һәм скверларында үткәрелә торган «Лапа дружбы»
хәйрия акцияләрендә 14 эт үзенә яңа хуҗа тапты.

Шулай ук укыгыз

Барлык яңалыклар