Казан муниципаль хезмәткәрләренә керемнәр, чыгымнар һәм мөлкәт турында белешмәләр тутыру тәртибен искәрттеләр

Киңәшмәләрдә Башкарма комитетның территориаль һәм тармак бүлекчәләреннән 700-дән артык хезмәткәр катнашты.

(Казан шәһәре KZN.RU, 8-нче апрель). Казанда коррупциягә каршы сәясәтне гамәлгә ашыру буенча системалы эш алып барыла. Ел саен 30-нчы апрельгә кадәр муниципаль хезмәткәрләр керемнәр, чыгымнар, милек һәм милек характерындагы йөкләмәләр турында мәгълүмат бирәләр. Әлеге мәгълүматларны шәһәр Башкарма комитетының территориаль һәм тармак бүлекчәләре хезмәткәрләренә ничек дөрес итеп бирү турында махсус киңәшмәләрдә искәрттеләр. Аларда 700-дән артык кеше катнашты.

Муниципаль хезмәткәрләрнең сорауларына Контроль һәм коррупциягә каршы эш идарәсе башлыгы Елена Тощева, Кадрлар сәясәте идарәсе җитәкчесе Гөлнара Мусина, Казан Мэрының коррупциягә каршы көрәш мәсьәләләре буенча киңәшчесе Кыям Беляев җавап бирде.

Шуны да билгеләп үтәргә кирәк, киңәшмә Казан Мэры Илсур Метшин җитәкчелегендәге Казанда Коррупциягә каршы тору эшен координацияләү комиссиясе сәркатибе Е.Тощева инициативасы буенча оештырылган иде.

Шулай ук укыгыз

Барлык яңалыклар