Яңалыклар
14.09.2021, 15:09
Казанда мультиформат фестивале: спектакль-кичә, граффити, стрит-данс һәм бармен күзлегеннән сәнгать
18-нче сентябрь көнне Профсоюз урамы җәяүлеләр урамына әйләнәчәк.
Фото: Денис Гордийко
(Казан шәһәре KZN.RU, 14-нче сентябрь, Ксения Швецова). Сайлаулар уза торган көннәрдә, 17-нче сентябрьдән 19-нчы сентябрьгә кадәр, Казанда төрле мәдәни чаралар булачак. Иң кызыклыларының берсе 18-нче сентябрьдә Профсоюз урамында узачак мультиформат яшьләр фестивале булачак. Бер көнгә бу урам Астрономия урамыннан Чернышевский урамына кадәрге киселештән алып җәяүлеләр урамына кадәр әйләнәчәк. Шәһәр халкы гадәти булмаган тамашалар күрәчәк, шәһәрне граффити бизәячәк, борынгы биналар тарихын һәм башка бик күп нәрсәләр турында белә алачак. Фестиваль программасы турында тулырак мәгълүмат белән «Татар-информ» мәгълүмат агентлыгында узган матбугат конференциясендә Балалар һәм яшьләр эшләре комитеты рәисе Минтимер Ногманов сөйләде.
Фестиваль 15:00 сәгатьтә башлана. Шул вакыттан алып 18:00 сәгатькә кадәр Профсоюз урамында интерактив экскурсияләр узачак, аларны Казан буенча профессиональ гид Җәмилә Локманова үткәрәчәк. Барлыгы 45 минутлык өч экскурсия планлаштырылган, аларга урында теркәлергә мөмкин булачак. «Бу урам тарихына чуму, борынгы биналарның җыелмаларын саклаучы серләр турында белү, истәлекле фотосурәтләр ясау өчен уникаль мөмкинлек», – дип сөйләде М.Ногманов.
15:00 сәгатьтән 16:00 сәгатьткә кадәр фестиваль мәйданчыгында «Бармен күзлегеннән сәнгать» темасына лекция һәм мастер-класс узачак. Кунакларга философияне коктейльләр булдыруга ничек интеграцияләргә, шулай ук исерткечсез эчемлекләр әзерләргә өйрәтәчәкләр.
16:00 сәгатьтән 17:00 сәгатькә кадәр теләге булган һәркем урам культурасы тенденцияләренә һәм бизнеста экоҗаваплылыкка багышланган ачык дискуссияләргә кушыла алачак.
«Фестиваль чараларына керү һәркем өчен ачык булачак. Әмма тавыш бирүчеләр һәм тиешле беләзекне күрсәтүчеләр өчен төрле бонуслар каралган, күпчелек оешмаларда алар өчен ташлама булачак», – дип хәбәр итте Балалар һәм яшьләр эшләре комитеты рәисе.
15:00 сәгатьтән 18:00 сәгатькә кадәр своп-маркет, анда шәһәр халкы кием-салым, аксессуарлар белән алмаша алачак, һәм грин-маркет – флорариумнар һәм йорт чәчәкләре күргәзмәсе һәм сату узачак. Шулай ук флорариумнар әзерләү буенча мастер-класс планлаштырылган.
Шул ук вакытта, 15:00 сәгатьтән 18:00 сәгатькә кадәр, казанлылар өстәл теннисы буенча «Прыг-скок» турнирына кушыла яки кием кастомизациясе, сәйлән үрү, чәч толымы үрү, вакытлы тату кую, шоперлар һәм значоклар ясау буенча мастер-классларда катнаша алачак.
15:00 сәгатьтән 19:00 сәгатькә кадәр узачак граффити фестиваленә Санкт-Петербург, Екатеринбург, Владивосток, Кострома һәм Камчатка райтерлары киләчәк. «Шәһәрнең һәр кешесе арт-фестивальдә катнаша алачак һәм танылган Россия райтерларының сизгер җитәкчелеге астында шәһәребезне бераз матуррак итә алачак», – диде Минтимер Ногманов.
16:00 сәгатьтән 18:00 сәгатькә кадәр Профсоюз урамындагы 13-нче номерлы бина почмагында фестивальнең иң якты вакыйгасы – «Сережа» исеме астындагы спектакль-кичә узачак. Мәйданчыкка керү кешеләр саны буенча чикләнгәнгә күрә, санитар-эпидемиологик нормалар аркасында, 50-дән дә артык тамашачы рөхсәт ителми – тамашаны шәһәрлеләргә ике тапкыр күрсәтәчәкләр. Бу спектакль – «Особняк Демидова» театр резиденциясе куелышы. Сережаның төп герое ролен атказанган артист Павел Густов башкарачак.
16:00 сәгатьтән 19:00 сәгатькә кадәр Профсоюз урамындагы 13-нче номерлы йорт почмагында урам бию баттлы үткәрәчәкләр, анда катнашу өчен урында теркәлергә мөмкин булачак. «Казанлылар үзләренең бию осталыкларын күрсәтә һәм башка биючеләрнең чыгышларын күрә алачак», – дип билгеләп үтте спикер.
Моннан тыш, фестиваль дәвамында, 15:00 сәгатьтән 22:00 сәгатькә кадәр, төп сәхнәдә җирле популяр диджейлар һәм бөтен илгә танылган хедлайнерлар чыгыш ясаячак.
Шәһәрлеләрне өч көн дәвамында шәһәрнең башка мәйданчыкларында да кызыклы вакыйгалар көтә, дип искәртте Мәдәният идарәсе башлыгы Азат Абзалов. Кульминация «Ак Барс Арена» стадионында узачак концерт булачак, анда Гүзәл Уразова, Фирдүс Тямаев, Салават Фәтхетдинов, Uma2rman, Филатов һәм Karas, Мот һәм Олег Газманов чыгыш ясаячак. Бәйрәм салют белән тәмамланачак, аны күзәтү концертның тамашачылар мәйданчыгыннан уңайлырак булачак. Концертка керү «Я проголосовал!/Мин тавыш бирдем!» махсус беләзекләре буенча чынга ашырылачак.
17-нче сентябрьдән 19-нчы сентябрьгә кадәр казанлыларга сигезенче чакырылыш Россия Федерациясе Дәүләт Думасына сайлаулар, шулай ук 15-нче номерлы Азино бермандатлы сайлау округы буенча Татарстан Республикасы Дәүләт Советы депутатларын һәм Казанның 4-нче номерлы Академия Думасы һәм 20-нче номерлы Липатов сайлау округлары буенча өстәмә сайлауларда катнашырга туры киләчәк.
Шулай ук укыгыз
-
05.05.2025, 20:05 -
05.05.2025, 17:13 -
05.05.2025, 16:54 -
05.05.2025, 15:23
