Мәскәүнең педагогик конфликтлар өлкәсендәге эксперты Казанда мастер-класс үткәрәчәк

Наталия Сченснович ата-аналар һәм укытучылар арасындагы конфликтларны ничек чишәргә кирәклеге турында сөйләячәк

Фото: Марат Мөгыйнов

(Казан шәһәре KZN.RU, 20 нче сентябрь). Мәктәп директорлары, балалар бакчалары мөдирләре һәм педагоглар өчен мастер-класслар сериясе үткәреләчәк. Спикер булып «Мәскәү өзлексез белем бирүне үстерү институты» автоном коммерцияле булмаган оешмасы директоры һәм педагогик конфликтлар өлкәсендә эксперт Наталия Сченснович чыгыш ясаячак.

Мастер-классларның беренче көнендә, 25 нче сентябрьдә, 10:00 сәгатьтән 13:00 сәгатькә кадәр, спикер балалар бакчалары мөдирләренә тәрбияләнүчеләрнең ата-аналары һәм педагоглар арасында килеп чыккан конфликтларны ничек җайларга кирәклеген сөйләячәк.

Шул ук көнне 14:00 сәгатьтән 17:00 сәгатькә кадәр «Конфликтлар һәм стресссыз мәктәп» темасына очрашу узачак. Мәктәп директорлары өчен теркәлү сылтама буенча үткәрелә.

Икенче көнне, 26 нчы сентябрьдә, 10:00 сәгатьтән 13:00 сәгатькә кадәр укытучыларга укучылар белән ничек аңлаешлы килешү төзергә кирәклеге турында сөйләячәкләр. Теркәлү сылтама буенча ачык.

Шул ук көнне 14:00 сәгатьтән 17:00 сәгатькә кадәр инклюзив сыйныф педагоглары өчен үзенчәлекле балаларның ата-аналары белән конфликтсыз аралашу буенча мастер-класс оештырыла. Теркәлү сылтама буенча үткәрелә.

Мастер-классларда урыннар саны чикләнгән, дип хәбәр итә Казанның Мәгариф идарәсе.

Шулай ук укыгыз

Барлык яңалыклар