Мошенниклар казанлыларны онлайн-килешүләрдә алдаган

Зыян күрүчеләр барлыгы 37 мең сум югалткан

Фото: Денис Гордийко

(Казан шәһәре KZN.RU, 18 нче октябрь). Татарстан башкаласында яшәүчеләр, мошенниклар белән элемтәгә кереп, 37 мең сум акчаларын югалткан.

Корбаннарның берсе – сайтта компьютер мониторы саткан 20 яшьлек казанлы. Аңа потенциаль сатып алучы язган, ул акчаны онлайн счетка күчерергә тәкъдим иткән. Банк реквизитларын җибәреп, сатучы өч мең сум акчасын югалта. Мондый хәйләгә Яңа Савин районында яшәүче хатын-кыз да эләгә, ул чәчәкләр өчен аскуйма сатарга тели һәм 34 мең сум акчасын югалта.

«Савин» һәм «Дәрвишләр» полиция бүлекләрендә РФ Җинаять кодексының 158 нче маддәсенең 3 нче өлешендәге «г» пунктында («Банк хисабыннан башкарылган урлау») каралган җинаятьләр билгеләре буенча җинаять эшләре кузгатылган һәм тикшерелә, дип хәбәр итә Россия Эчке эшләр министрлыгының Казан буенча идарәсе матбугат хезмәте.

Исегезгә төшерәбез, бушлай реклама сайтлары аша акча урлау алдауның киң таралган ысулларының берсе булып тора. Тикшерелгән ресурсларда һәрвакыт нинди дә булса товар яки хезмәт өчен эчке система аша, чит сылтамалар буенча үтмичә түләү мөмкинлеге бар.

Статистика буенча, Татарстан халкы мошенникларга тәүлегенә уртача 10 млн сумга кадәр акча бирә.

Шулай ук укыгыз

Барлык яңалыклар