Казанның яшь гаиләләре торак субсидиясе алу өчен гариза тапшыра ала

<h1></h1> <div> </div> <img src="https://kzn.ru/upload/iblock/686/DEN_9607_870.jpg"> <div class="detail-picture"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 25 нче февраль). Татарстан башкаласында «Казанның яшь гаиләләрен торак белән тәэмин итү» максатчан программасында катнашу өчен гаризалар кабул итү башланды. Программа ярдәмендә шәһәр халкы фатир яки йорт сатып алу өчен субсидия ала ала. <p> Программада катнашу өчен төп шартларның берсе – гаиләнең торак шартларын яхшыртуга мохтаҗлыгы. Гаиләнең һәр әгъзасына 12 кв. метрдан да ким булмаган торак мәйданы туры килергә тиеш. Программада ир белән хатынның яки тулы булмаган гаиләдә бер ата-ананың яше 35 яшьтән артмаган гаиләләр катнаша ала. Казан территориясендә даими яшәү урыны буенча теркәлгән булу мәҗбүри. </p> <p> Күп балалы гаиләләр өчен аерым шартлар каралган. Алар түләүне беренче чиратта алалар, дип хәбәр итә Казанның торак сәясәте идарәсе. </p> <p> Программада катнашучыларга торак бәясенең 30-35% ын кире кайтарачаклар. Түләүне яңа төзелгән яки икенчел торакта фатир сатып алуга юнәлдерергә мөмкин. Шулай ук дәүләт ярдәме чараларын йорт төзегәндә яки ипотека бурычын түләгәндә кулланырга мөмкин. </p> <p> 2023 елда дәүләт ярдәме алу өчен Казанның яшь гаиләләренә теркәлү урыны буенча район администрациясенә гариза тапшырырга кирәк. </p> <p> Исегезгә төшерәбез, казанлылар <a href="https://kzn.ru/meriya/press-tsentr/novosti/renat-shamsutdinov-v-srednem-pri-svoevremennykh-platezhakh-i-vsekh-bonusakh-vyplatit-sotsipoteku-mozh/" target="_blank">торак шартларын</a> социаль ипотека программасы буенча да яхшырта ала. </p> <h1> </h1> <br> <br>

2022-02-25T11:20:03+0300