Казанның яшь педагоглары шәһәрнең яңа ел кичәсендә катнашачак

Кичә Л.Н.Толстой тууына 190 ел тулуга багышлана.

(Казан шәһәре KZN.RU, 13-нче декабрь). 18 декабрьдә Казанның яшь педагоглары гади костюмнарын бал күлмәкләренә һәм смокингларга алыштыра. Укытучылар өчен Мәгариф хезмәткәрләре йортында шәһәркүләм Яңа ел балы узачак. Чара бөек рус язучысы Л.Н.Толстойның тууына 190 ел тулуга багышлана.

Балга әзерлек бер ай элек башланды - укытучылар бию буенча мастер-классларда булдылар, тантана өчен киемнәрне дөрес сайларга һәм сәхнә макияжын ясарга өйрәнделәр.

Укытучылар балында бай программа – биюләр, традицион уеннар, бүләкләр һәм сюрпризлар булачак.

Тантаналы чара барышында иң актив һәм гармонияле парлар арасында иң яхшы пар билгеләнәчәк. Кич буе балда катнашучыларны һәм кунакларны Казан мәдәният институты һәм Казан дәүләт филармониясе вокалчылары, биючеләр һәм башкалар сөендерәчәк, дип хәбәр иттеләр Мәгариф хезмәткәре йортында.

Шулай ук укыгыз

Барлык яңалыклар