Татарстан яшьләре «Россия студентлар язы»на китте

Республиканы КХТИ, КАИ, КДЭУ һәм башка югары уку йортлары студентлары тәкъдим итәчәк

Фото: Денис Гордийко

(Казан шәһәре KZN.RU, 26 нчы май). Татарстан студентлары 27-30 нчы майда Пермьдә узачак XXXI Бөтенроссия «Россия студентлар язы» фестиваленә киттеләр. Анда 85 төбәктән барлыгы 3,5 мең конкурсант катнашачак, дип хәбәр иттеләр ТР Яшьләр министрлыгының матбугат хезмәтендә.

Республиканы 10 югары уку йортыннан студентлар һәм иҗат коллективлары тәкъдим итә. Алар арасында казанныкылар да бар: Groove Up бию коллективы һәм КНИТУ-КХТИдан «Наизнанку» студентлар театры, КДЭУдан «Сдвиг по фазе» СТЭМы һәм КНИТУ-КАИдан «Шум» иҗат остаханәсе. Алар үзләренең конкурс номерларын һәм региональ концерт программасын күрсәтәчәкләр.

Татарстан программасының режиссеры – 2019 елда «Россия студентлар язы» фестиваленең гран-при иясе һәм имидж чаралары сценаристы Михаил Буланов. Концертлар фестивальнең рәсми төркемендә трансляцияләнәчәк.

«Россия студентлар язы» Россиядә студентлар иҗатына ярдәм итү һәм үстерү буенча бердәнбер программа, ул илдә 1992 елдан бирле гамәлгә ашырыла һәм 80 нән артык төбәк, 10 бөтенроссия һәм дүрт халыкара чараны үз эченә ала. Ел саен аларда 1,5 миллионга якын студент катнаша, алар барлык төбәкләрдән 1,2 меңнән артык белем бирү оешмасын тәкъдим итә.

Шулай ук укыгыз

Барлык яңалыклар