Яңалыклар
19.02.2025, 16:48
Казан яшьләрен «Яшел каникуллар» мәктәбенә чакыралар
Гаризаны 1 мартка кадәр бирергә мөмкин
«КИДС» киностудиясе «Яшел каникуллар» әйдәманнар мәктәбенә бушлай укырга гаризалар кабул итәргә кереште. Катнашырга теләүчеләр 18 яшьтән өлкәнрәк, әйдаман ярдәмчесе – 16 яшьтән өлкәнрәк.
Ике ай эчендә, 16 марттан 12 майга кадәр, булачак әйдәманнар 30 белем бирү лекциясен тыңлыячаклар, практик дәресләрдә булачаклар (сигез көн) һәм 12 профильле сменага сертификат алачаклар.
Әйдаманнар мәктәбендә яшь буын төрле яшьтәге балалар белән эшләү, хәзерге заман буыны үзенчәлекләре, уеннар, чаралар, квестлар язу ысуллары, SMM һәм дизайн нигезләре һәм башкалар турында беләчәк. Булачак әйдәманнар тәҗрибәле остазлардан ярдәм алачак һәм «Яшел каникуллар» компаниясендә һөнәри үсеш мөмкинлеге алачак.
1 мартка кадәр сылтама буенча анкета тутырырга кирәк. Әйдәманнар мәктәбе турында тулырак мәгълүматны Telegram, телефон номеры буенча белергә була: +7(903)388-86-43, дип хәбәр иттеләр балалар һәм яшьләр эшләре комитетында.
Искәртеп узабыз, җәй көне 36 меңнән артык бала Казанның савыктыру оешмаларында ял итте. Балалар өчен 157 мәктәп яны, 26 шәһәр яны сәламәтләндерү лагере, 157 хезмәт һәм ял лагере, «Галактика балалары» палатка лагере эшләде.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
