Казан яшьләре 20 июньгә кадәр иң җәлеп итүчән эш бирүчеләрне сайлый алачак

Яшь казанлылар тавышы өчен 84 компания көрәшәчәк

Татарстан башкаласында шәһәр мэриясе һәм Россиядә онлайн-рекрутингның әйдәп баручы hh.ru платформасы оештырган «Казан эш бирүчеләре: яшьләрне сайлау» конкурсы буенча тавыш бирү башланды.

Гариза бирү кампаниясе башланганнан бирле конкурска 240тан артык компания кызыксыну белдерде, ә яшьләр өчен җәлеп итүчән исем өчен 84 эш бирүче көрәшәчәк: 24 – кече бизнес категориясендә (100 кешегә кадәр), 25 – урта (100дән 500 кешегә кадәр), 35 — эре (500дән артык), анда иң зур көндәшлек күзәтелә.

«Мондый беренче конкурсыбызның Казан эш бирүчеләре тарафыннан зур кызыксыну уятуына без бик шат. Алар өчен бу яшь белгечләрнең тугрылыгын арттыру һәм үзләрен алга киткән HR-брендлы һәм заманча кадрлар процесслары булган тәвәккәл компанияләр буларак күрсәтү өчен менә дигән мөмкинлек. Алга таба яшь казанлыларга сайларга туры киләчәк», — ди Казан Башкарма комитеты Аппараты җитәкчесе урынбасары – Кадрлар сәясәте идарәсе башлыгы Ирина Бочкова.

Тавыш бирүдә 27 яшькә кадәрге казанлылар катнаша алачак. Алар эш бирүчеләр буларак белгән һәм кайсыларында эшләргә теләгән компанияләрне аерып күрсәтергә тиеш.

«Эш бирүче өчен үз тавышын биреп, Казан яшьләре теге яки бу кампанияне сайлап кына калмый, алар хезмәт базарына йогынты ясау һәм үз карьералары өчен шартлар тудыру мөмкинлеге ала» — дип өсти Альбина Солтанова, Идел буе hh.ru директоры.

Тавыш бирү 6 июньнән 20 июньгә кадәр youth-choice.hh.ru сайтында дәвам итәчәк. 28 июньдә «УРАМ» экстрим-паркында барлык өч категориядә, шулай ук оештыручылардан махсус номинацияләрдә җиңүчеләрне игълан итәчәкләр, ул Яшьләр көнен бәйрәм итүнең төп мәйданчыгы булачак.

Фоторепортаж

Конкурсның 2 этабына узган компанияләр

Шулай ук укыгыз

Барлык яңалыклар