Яңалыклар
10.09.2021, 09:31
Этләрне вакцинацияләүнең һәм стерилизацияләүнең мобиль пункты Казанның Идел буе районы ветеринария бүлегенә киләчәк
Шәһәрлеләр үз этләрен стерилизацияләү һәм вакцинацияләү белән генә чикләнмичә, ветеринария паспортын да рәсмиләштерә алачак.
Фото: Марат Мугинов
(Казан шәһәре KZN.RU, 10-нчы сентябрь). 11-нче сентябрь көнне этләрне вакцинацияләү һәм стерилизацияләү мобиль пункты Идел буе районы Дәүләт ветеринария шифаханәсе территориясенә Даурия урамы, 32а адресы буенча киләчәк. Теләгән һәркем үз хайванын тикшерүгә алып килә алачак.
Учреждение ишегалдындагы мобиль пунктта белгечләр хезмәт күрсәтәчәкләр. Шәһәр халкы үз этләрен стерилизацияләү һәм вакцинацияләү белән генә чикләнмичә, аларга ветеринария паспорты да рәсмиләштерә алачак. Хуҗаның теләге буенча хайванга чиплау үткәрәчәкләр яки колакка бирка эләчәкләр.
Кабул итү 10:00 сәгатьтән 14:00 сәгатькә кадәр тере чират тәртибендә алып барылачак.
Мобиль пунктларның алга таба чыгу графигы белән сылтама буенча танышырга мөмкин Исегезгә төшерәбез, алар үз эшен октябрь башына кадәр дәвам итәчәк. Мондый йөкләмәне Казан Мэры Илсур Метшин зоояклаучылар, ветеринария табиблары, зоологлар, приютлар җитәкчеләре һәм хәйрия фондлары катнашында түгәрәк өстәл барышында бирде.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:02 -
29.04.2025, 10:11
