«Хобби бокс» мобиль яшүсмерләр клубының яңа сезоны башлана

Маршрутта беренче бистәләр Троица Ноксасы, Самосырово һәм Царицыно калкулыгы булачак

Казанда «Хобби бокс» мобиль яшүсмерләр клубының җәйге сезоны башлана. Клуб Казан бистәләренә яңа бай программа алып киләчәк. Балалар өчен спорт һәм өстәл уеннары, конкурслар һәм мастер-класслар әзерләнде.

Яңа сезонда иң элек «Хобби бокс» Казанның өч бистәсендә булачак, аларның һәрберсендә ике көнгә тукталачак. Төрле яшьтәге балалар өчен спорт һәм өстәл уеннары, бию флешмоблары, вокаль баттллар, конкурслар, гамәли иҗат мастер-класслары һәм «Көймәләр» аттракционы үткәреләчәк.

Клубның беренче тукталышы Троица Ноксасы бистәсе булачак, адресы: 1 нче Нокса ур., 31. Анда яшүсмерләрне һәм балаларны 14 һәм 15 июльдә көтәчәкләр.

Алдагы ике көндә, 16 һәм 17 июльдә, «Хобби бокс» Самосырово бистәсенә киләчәк. Яшьләрне Александр Коваль ур., 2Л адресы буенча каршы алачаклар.

Клубның соңгы тукталышы Царицыно калкулыгы бистәсе булачак, анда 18 һәм 19 июль көннәрендә Сандугач урамында күңел ачу программасы үткәреләчәк.

Барлык теләүчеләрне 10:00 дән 13:00 гә кадәр көтәчәкләр, дип хәбәр иттеләр «Яшүсмер» МБУда.

Шулай ук укыгыз

Барлык яңалыклар