ТР Сәламәтлек саклау министрлыгы: «СОVID-19дан үлем очракларын киметүнең ике ысулы гына бар – вакцинация һәм чикләүләр»

Республика вакцинация темплары буенча илдә икенче урынны алды, әмма вәзгыять киеренке булып кала бирә.

Фото: Марат Мугинов

(Казан шәһәре KZN.RU, 28-нче октябрь, Екатерина Виславская). Татарстан Республикасы буенча Кулланучылар хокукларын яклау һәм кеше иминлеге өлкәсендә күзәтчелек федераль хезмәте идарәсендә коронавирус инфекциясе һәм кискен респиратор-вируслы инфекцияләр белән авыручылар саны артуын теркүәне дәвам итәләр, ә сәламәтлек саклау системасы 30-нчы октябрьдән 7-нче ноябрьгә кадәр көчәйтелгән эш режимына күчә. «COVID-19 дан үлүчеләр санын вакцинация һәм чикләүләр кертү генә киметә ала», – дип саный ТР сәламәтлек саклау министры Марат Садыйков.

«Үлем белән идарә итү өчен, авыру кеше белән идарә итәргә кирәк. Ә авыручылар белән ике ысул – чикләүләр һәм вакцинация белән генә идарә итү мөмкин. Германиядә һәм Бөекбританиядә авырулар саны арткан һәм вакцинацияне вакытында үткәрә алганнан соң, үлем саны кимү ягына киткән, – диде М.Садыйков бүген «Татар-информ» мәгълүмат агентлыгында узган матбугат конференциясендә. –Татарстанда коронавирус инфекциясе буенча хәлләр катлаулы һәм киеренке. Көрәшкә кадрлар составы, 17 меңнән артык табиб, медицина хезмәткәрләре һәм ашыгыч ярдәм йөртүчеләре мобилизацияләнгән, шулай ук коронавирус инфекциясенә каршы көрәш өчен 7,5 мең ятак әзерләнгән, аларның 9,5%-ы буш».

30-нчы октябрьдән 7-нче ноябрьгә кадәр сәламәтлек саклау системасы көчәйтелгән режимда эшләячәк. Табиблар ашыгыч, кичектергесез һәм планлы медицина ярдәме күрсәтәчәк.

Бу көннәрдә 170 гамәлдәге вакцинация пунктыннан тыш, предприятие хезмәткәрләре өчен күчмә пунктлар оештырылачак. Бүгенге көндә Татарстанда 1 млн 497 мең 684 кеше вакцинацияләнгән, шуларның 1 млн 19 мең 541-е икенче прививканы алган, шуның нәтиҗәсендә республика вакцинация темплары буенча Россиядә икенче урында тора. Бу – вакциналаштырылырга тиешле кешеләрнең 61,4%-ы –төбәктәге өлкән халыкның 80%-ы.

«Яңа коронавирус инфекциясе буенча эпидемиологик вәзгыять Татарстан Республикасында киеренке булып кала бирә. Соңгы атнада без яңа очракларның 27%-ка үсешен теркибез, – дип хәбәр итте Татарстан Республикасы буенча Кулланучылар хокукларын яклау һәм кеше иминлеге өлкәсендә күзәтчелек федераль хезмәте идарәсе җитәкчесе Марина Патяшина. – Үсеш 6 атна дәвамында дәвам итә, һәм ул соңгы 3 атна дәвамында аеруча интенсив – 38%, 28% һәм 27%. Авыручыларның абсолют санына килсәк, бу алдагы атнада 813 очракка каршы 1035 очрак. Бу кискен респиратор-вируслы инфекцияләр белән авыручылар саны арту фонында бара. Без авыруларның сезонлы күтәрелеше турында сөйлибез – көн саен 25 меңнән 27 мең очракка кадәр теркәлә».

М.Патяшина билгеләп үткәнчә, 30-нчы октябрьдән 7-нче ноябрьгә кадәр игълан ителгән эшләми көннәр социаль элемтәләрне кыскартуга юнәлтелергә тиеш, бу вакытны, кешеләр күпләп җыелудан качып, гаилә әйләнәсендә, саф һавада үткәрергә тиеш.

Исегезгә төшерәбез, ТР Министрлар Кабинеты карары бүген чыкты. Яңалыклар арасында – 60 яшьтән өлкәнрәк кешеләрнең үз-үзен изоляцияләве һәм QR-кодсыз керү мәйданы 150 кв. метрдан ким булган кибетләргә генә.

Шулай ук укыгыз

Барлык яңалыклар