ТР Сәламәтлек саклау министрлыгын Марат Садыйков җитәкләде

ТР Сәламәтлек саклау министрлыгын Марат Садыйков җитәкләде

<p> (Казан шәһәре KZN.RU, 14-нче февраль). Бүген ТР Президенты Указы белән ТР Сәламәтлек саклау министры вазыйфасына моңа кадәр “7 номерлы шәһәр клиник хастаханәсе” медицина сәламәтлек саклау учреждениесе баш табибы вазыйфасын биләгән Марат Садыйков билгеләнде. </p> <p> Министрлыкның элеккеге җитәкчесе Гадел Вафин, башка эшкә күчү сәбәпле, ТР Президенты Указы белән министр вазыйфасыннан азат ителде. </p> <p> Белешмә өчен </p> <p> Марат Наил улы Садыйков 1970 елның 27 гыйнварында туа. “Педиатрия” белгечлеге буенча Казан дәүләт медицина институтын тәмамлый. Медицина фәннәре кандидаты, Татарстан Республикасының Атказанган табибы. </p> <p> “Сәламәтлек саклау отличнигы” күкрәк билгесе белән бүләкләнгән. Фән һәм техника өлкәсендә ТР Дәүләт премиясе лауреаты. </p>

2018-02-14T12:09:44+0300