Казанда мини-квест белән Бөтендөнья кан доноры көнен билгеләп үтәчәкләр

Республика кан үзәге диварларында 10-нчы һәм 11-нче июнь көннәрендә «Кан бирегез, җирдә тормыш дәвам итсен!» лозунгы астында донор акцияләре узачак.

Фото: Казан шәһәре KZN.RU

(Казан шәһәре KZN.RU, 7-нче июнь). Казанда Бөтендөнья кан доноры көнен мини-квест һәм бүләкләр өләшү белән билгеләп үтәчәкләр. Бу бәйрәмгә багышланган чаралар Республика кан үзәгендә 10-нчы һәм 11-нче июнь көннәрендә узачак.

Бөтен дөньяда кан доноры көне 14-нче июньдә билгеләп үтелә. Быел аның хөрмәтенә чаралар «Кан бирегез, җирдә тормыш дәвам итсен!» лозунгы астында узачак. Татарстанда 8-нче июньнән 11-нче июньгә кадәр бәйрәм итүгә Казан, Әлмәт, Яр Чаллы һәм Түбән Кама филиаллары кушылачак.

Мини-квест Казанда 10-нчы июнь көнне Республика кан үзәге территориясендә (Җиңү проспекты, 85) узачак. Ул теркәү стойкасы янында ук башланачак һәм процедура кабинетына кадәр дәвам итәчәк. Донорлар уенда катнаша һәм берничә сорауга җавап бирә алачак. Һәр катнашучы тематик сувенир алачак.

Тагын бер донор акциясе бу көнне РКБ кан бирү бүлегендә (Оренбург тракты, 138) узачак.

11-нче июньдә казанлыларны яңадан Республика кан үзәгенә чакыралар. Монда православие динен тотучылар, шулай ук кан һәм аның компонентларын тапшырырга теләүчеләр катнашында донор акциясе узачак.

Донор 18 яшьтән алып авырлыгы 50 килограммнан да ким булмаган һәм аңа каршы күрсәткечләре булмаган һәр кеше була ала. Үзең белән паспорт һәм СНИЛС кирәк, дип искә төшерә Республика кан үзәге матбугат хезмәте. Бүгенге көндә Татарстанның бердәм донор базасында 600 меңгә якын кеше теркәлгән. Ел саен үзәк аша филиаллар һәм кан алыштыру бүлекләре белән якынча 30 мең донор уза.

Шулай ук укыгыз

Барлык яңалыклар