В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
20.06.2025, 11:06
«Яннан спектакль узды»: казанлыларны өлкәннәр театр лабораториясенең йомгаклау чыгышына чакыралар
Спектакль бүген 19:30 да узачак
Бүген, 20 июньдә, «Крылья Советов» Казан паркында театр лабораториясенең йомгаклау спектакле узачак. Анда Казанның гади халкы пластика, актер осталыгы өстендә ике атналык эш нәтиҗәсе белән таныштырачак.
Проект кысаларында төрле яшьтәге һәм һөнәрле 15 казанлы беренче тапкыр үзләре өчен театр, урам сәнгате һәм клоунада дөньясын ачтылар. Проектның кураторы һәм режиссеры клоун, MOÑ театр мәйданчыгы актеры һәм резиденты Руслан Риманас, дип хәбәр итә парклар һәм скверлар дирекциясе.
Иҗади эш нәтиҗәсен теләге булган һәркем карый ала. Кунакларны «Крылья Советов» паркы бию мәйданчыгында көтәләр. Башлана – 19: 30 да. Керү – ирекле.
Элегрәк хәбәр ителгәнчә, 20 июньдә Серов урамындагы бульварда «Театралка» студиясеннән сәхнә игътибары һәм пластик импровизация буенча мастер-класс узачак. Очрашу уен мәйданчыгында 17:00 сәгатьтә булачак.
Шулай ук укыгыз
-
25.07.2025, 11:52 -
25.07.2025, 11:21 -
25.07.2025, 10:51 -
25.07.2025, 10:23